നടുറോഡില്‍ നിലയുറപ്പിച്ച ആനയെ കണ്ടാല്‍ സാധാരണയായി വാഹനങ്ങള്‍ നിര്‍ത്തിയിടുകയാണ് പതിവ്. ആന റോഡ് മുറിച്ചുകടന്ന് അപ്പുറത്ത് എത്തി സുരക്ഷിതമാണ് എന്ന് കണ്ടാല്‍ മാത്രമാണ് വാഹനങ്ങള്‍ കടന്നുപോകാറ്. ഇപ്പോള്‍ നടുറോഡില്‍ കാട്ടാന നില്‍ക്കുന്നത് കണ്ടിട്ടും അരികിലൂടെ വാഹനം ഓടിച്ച് കടന്നുപോകാന്‍ ശ്രമിച്ച സ്‌കൂട്ടര്‍ യാത്രികന് സംഭവിച്ചതിന്റെ ദൃശ്യങ്ങളാണ് വൈറലാകുന്നത്.
പര്‍വീണ്‍ കാസ് വാനാണ് വീഡിയോ പങ്കുവെച്ചത്. നടുറോഡില്‍ നില്‍ക്കുകയാണ് കാട്ടാന. കാട്ടാനയെ കണ്ട് കാര്‍ നിര്‍ത്തിയിട്ടിരിക്കുന്നത് വീഡിയോയില്‍ വ്യക്തമാണ്. ഈസമയത്ത് എതിര്‍വശത്ത് നിന്ന് വന്ന സ്‌കൂട്ടര്‍ യാത്രികന് അരികിലൂടെ കടന്നുപോകാന്‍ ശ്രമിക്കുന്നതാണ് വീഡിയോയുടെ ഉള്ളടക്കം.
ആനയെ കടന്നുപോയി അല്‍പ്പദൂരം കഴിയും മുന്‍പ് തന്നെ നിയന്ത്രണം വിട്ട് സ്‌കൂട്ടര്‍ വീഴുന്നത് വീഡിയോയില്‍ വ്യക്തമാണ്.മുഖമടിച്ചാണ് യുവാവ് വീണത്. ഇത് ശ്രദ്ധയില്‍പ്പെട്ട ആന യുവാവിനെ നോക്കിനില്‍ക്കുന്നതാണ് വീഡിയോയുടെ അവസാനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
