ന്യൂഡല്ഹി: രാജ്യത്ത് ഇന്നലെ റിപ്പോര്ട്ട് ചെയ്തത് 1,20,529 കോവിഡ് കേസുകള്. 3380 പേരാണ് കഴിഞ്ഞ ഇരുപത്തിനാലു മണിക്കൂറിനിടെ കോവിഡ് മൂലം മരിച്ചത്.
ഇതുവരെ 2,86,94,879 പേര്ക്കാണ് രാജ്യത്ത് കോവിഡ് സ്ഥിരീകരിച്ചത്. ഇതില് 2,67,95,549 പേര് രോഗമുക്തി നേടി. 3,44,082 പേരാണ് വൈറസ് ബാധ മൂലം മരിച്ചത്. നിലവില് രാജ്യത്തെ ആക്ടിവ് കേസുകള് 15,55,248.
രാജ്യത്ത് പ്രതിദിന കോവിഡ് രോഗികളുടെ എണ്ണത്തില് 68 ശതമാനത്തിന്റെ കുറവെന്ന് കേന്ദ്രസര്ക്കാര് അറിയിച്ചു. മെയ് ഏഴിലെ കണക്കുമായി തട്ടിച്ചാണ് കേന്ദ്രസര്ക്കാരിന്റെ വിലയിരുത്തല്. മെയ് ഏഴിനെ അപേക്ഷിച്ച് പ്രതിദിന കോവിഡ് രോഗികളില് 68 ശതമാനത്തിന്റെ കുറവാണ് ഇപ്പോള് രേഖപ്പെടുത്തുന്നത്. പുതിയ കേസുകളില് 66 ശതമാനവും അഞ്ചു സംസ്ഥാനങ്ങളില് നിന്നാണ്. ബാക്കി 31 സംസ്ഥാന, കേന്ദ്രഭരണ പ്രദേശങ്ങളിലാണ് അവേശഷിക്കുന്ന കോവിഡ് കേസുകള് റിപ്പോര്ട്ട് ചെയ്യുന്നത്. വൈറസ് വ്യാപനത്തെ നിയന്ത്രണവിധേയമാക്കാന് സാധിക്കുന്നു എന്നതാണ് ഈ കണക്കുകള് സൂചിപ്പിക്കുന്നതെന്ന് കേന്ദ്ര ആരോഗ്യമന്ത്രാലയം അറിയിച്ചു.
പ്രതിരോധ വാക്സിന് 22 കോടി 41 ലക്ഷം പേര്ക്ക് ഇതുവരെ നല്കിയതായും ആരോഗ്യമന്ത്രാലയം പറഞ്ഞു. ഒരു ഡോസ് വാക്സീന് സ്വീകരിച്ചവരുടെ എണ്ണത്തില് അമേരിക്കയെക്കാള് മുന്നിലാണ് ഇന്ത്യ. 60 വയസിന് മുകളിലുള്ളവരില് 40 ശതമാനം പേരും ഒരു ഡോസ് വാക്സീന് സ്വീകരിച്ചതായും കേന്ദ്രം വിശദീകരിച്ചു.
രോഗമുക്തി നിരക്ക് 93 ശതമാനം പിന്നിട്ടു. രാജ്യത്ത് 377 ജില്ലകളില് അഞ്ചുശതമാനത്തില് താഴെയാണ് ടെസ്റ്റ് പോസിറ്റിവിറ്റി നിരക്കെന്നും കേന്ദ്രം അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
