ബെംഗളൂരു: മാനസിക വെല്ലുവിളി നേരിടുന്ന 23 വയസ്സുകാരിയുടെ ഗര്ഭപാത്രം നീക്കാന് അനുമതി നല്കി കര്ണാടക ഹൈക്കോടതി. ആര്ത്തവ കാലത്തു ശുചിത്വം പാലിക്കാന് കഴിയാത്തതു ചൂണ്ടിക്കാട്ടി രക്ഷിതാക്കളാണു കോടതിയെ സമീപിച്ചത്. മെഡിക്കല് ബോര്ഡിന്റെ റിപ്പോര്ട്ട് പരിശോധിച്ച ശേഷമാണ് അനുകൂല വിധിയുണ്ടായത്.
രോഗിക്ക് തീരുമാനമെടുക്കാന് കഴിയില്ലെന്ന് വ്യക്തമായതുകൊണ്ടും ഗര്ഭപാത്രം നീക്കല് രോഗിയുടെ ക്ഷേമം, ആരോഗ്യം, അന്തസ്സ്, സുരക്ഷ എന്നിവയ്ക്ക് ഉതകുമെന്ന് മെഡിക്കല് തെളിവുകള് വ്യക്തമാക്കുന്നതുകൊണ്ടും മാത്രമാണ് കോടതി ഈ അനുമതി നല്കുന്നതെന്നാണു ജസ്റ്റിസ് സൂരജ് ഗോവിന്ദന് ഉത്തരവില് പറയുന്നത്.
മെഡിക്കല് പരിശോധനകളുടെ അടിസ്ഥാനത്തിലുള്ള വിലയിരുത്തലിന്റെ ഭാഗമായാണു കോടതിയുടെ തീരുമാനമെന്നും ഒരു വ്യക്തിക്ക് വൈകല്യമുണ്ട് എന്നതുകൊണ്ട് മാത്രം ഇത്തരം ശസ്ത്രക്രിയകള് അനുവദിക്കപ്പെടുന്നതായി ഇതിനെ കാണരുതെന്നും കോടതി വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
