വിമാനയാത്രയ്ക്കിടെ യാത്രക്കാരന്റെ മൊബൈലിന് തീപിടിച്ചു

ന്യൂഡല്‍ഹി: വിമാനയാത്രയ്ക്കിടെ യാത്രക്കാരന്റെ മൊബൈല്‍ ഫോണിന് തീപിടിച്ചു. തീ അണയ്ക്കുന്ന ഉപകരണം ഉപയോഗിച്ച് ക്യാബിന്‍ ക്രൂ തീ ആളിപടരുന്നത് തടഞ്ഞു. 

വ്യാഴാഴ്ചയാണ് സംഭവം. ഇന്‍ഡിഗോയുടെ ദിബ്രുഗഡ്-ഡല്‍ഹി വിമാനത്തിലെ യാത്രക്കാരന്റെ മൊബൈല്‍ ഫോണിനാണ് തീപിടിച്ചത്. ആര്‍ക്കും പരിക്കില്ലെന്ന് ഡിജിസിഎ അറിയിച്ചു.

വിമാനം ദിബ്രുഗഡില്‍ നിന്ന് ഡല്‍ഹിയിലേക്ക് പറന്ന സമയത്താണ് സംഭവം നടന്നത്. യാത്രക്കാരന്റെ ഫോണില്‍ നിന്ന് തീപ്പൊരിയും പുകയും ഉയരുന്നത് ക്യാബിന്‍ ക്രൂവിന്റെ ശ്രദ്ധയില്‍പ്പെടുകയായിരുന്നു. ഉടന്‍ തന്നെ അഗ്നിശമന ഉപകരണം ഉപയോഗിച്ച് തീ അണയ്ക്കുകയായിരുന്നു. ഡല്‍ഹി വിമാനത്താവളത്തില്‍ വിമാനം സുരക്ഷിതമായി ഇറങ്ങിയതായി അധികൃതര്‍ അറിയിച്ചു.

ഈ വാർത്ത കൂടി വായിക്കൂ

തൊഴില്‍ നഷ്ടപ്പെട്ടതില്‍ മനോവിഷമം, മെട്രോ സ്‌റ്റേഷന് മുകളില്‍ നിന്ന് താഴോട്ട് ചാടിയ യുവതി മരിച്ചു- വീഡിയോ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്.

ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ