അഭിഭാഷകരേയും 'വെറുതേവിട്ടില്ല', അവര് സമരത്തിന് വന്നതല്ല; പരാതിയുമായി കോണ്ഗ്രസ്
ന്യൂഡല്ഹി: രാഹുല് ഗാന്ധിയെ ഇ ഡി ചോദ്യം ചെയ്യുന്നതിനിടെ, തങ്ങള്ക്ക് നിയമസഹായം നല്കാനെത്തിയ അഭിഭാഷകരെ ഡല്ഹി പൊലീസ് അനധികൃതമായി തടവിലാക്കിയെന്ന് ആരോപിച്ച് മനുഷ്യാവകാശ കമ്മീഷനെ സമീപിച്ച് കോണ്ഗ്രസ്.
കോണ്ഗ്രസ് ഡല്ഹി ഘടകം മനുഷ്യാവാകാശ വിഭാഗം ചെയര്മാന് അഡ്വ. സുനില് കുമാറാണ് ദേശീയ മനുഷ്യാവകാശ കമ്മീഷന് പരാതി നല്കിയിരിക്കുന്നത്. പൊലീസ് അറസ്റ്റ് ചെയ്ത അഭിഭാഷകര് സമരത്തിന് എത്തിയതല്ലെന്നും പാര്ട്ടിക്ക് നിയമ സഹായങ്ങള് നല്കാന് എത്തിയതാണെന്നുമാണ് സുനില് കുമാര് പരാതിയില് പറയുന്നത്.
അഭിഭാഷകര് കോട്ട് ധരിച്ചിരുന്നു. തങ്ങളുടെ ജോലിയുടെ ഭാഗമായാണ് എത്തിയത് എന്ന് അഭിഭാഷകര് പൊലീസിനോട് വ്യക്തമാക്കിയിരുന്നു. എന്നാല് ഇത് വകവയ്ക്കാതെ പൊലീസ് ഇവരെ കസ്റ്റഡിയിലെടുക്കുകയായിരുന്നു എന്ന് പരാതിയില് പറയുന്നു.
കസ്റ്റഡിയിലെടുത്ത അഭിഭാഷകരെ പൊലീസ് ഉപദ്രവിച്ചെന്നും പരാതിയില് ആരോപിക്കുന്നു. ഡല്ഹി പൊലീസിന്റെത് അധാര്മ്മികവും ഭരണഘടനവാ വിരുദ്ധവുമാണെന്നും പരാതിയില് ചൂണ്ടിക്കാട്ടുന്നു.
ഈ വാര്ത്ത കൂടി വായിക്കാം കാല്നടയായി രാഹുല്ഗാന്ധി ഇഡി ഓഫീസില്; അനുഗമിച്ച് പ്രിയങ്കയും നൂറുകണക്കിന് പ്രവര്ത്തകരും ( വീഡിയോ)
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
