ന്യൂഡല്‍ഹി: കോവിഡ് ബാധിതനായ രാഹുല്‍ ഗാന്ധിയുടെ രോഗമുക്തിയ്ക്കായി പ്രാര്‍ഥിക്കുന്നുവെന്ന് പ്രധാനമന്ത്രി നരേന്ദ്രമോദി. ഇന്ന് ഉച്ചയ്ക്ക് ശേഷമാണ് കോണ്‍ഗ്രസ് നേതാവും എംപിയുമായ രാഹുല്‍ ഗാന്ധിക്ക് കോവിഡ് സ്ഥിരീകരിച്ചത്. നേരിയ രോഗലക്ഷണങ്ങളെ തുടര്‍ന്ന് നടത്തിയ പരിശേധനയിലാണ് കോവിഡ് സ്ഥിരീകരിച്ചത്.
എത്രയും വേഗം രാഹുല്‍ കോവിഡ് രോഗമുക്തനാവട്ടെയെന്ന് കേന്ദ്രമന്ത്രിമാരായ സ്മൃതി ഇറാനിയും രമേഷ് പൊക്രിയാലും ട്വിറ്ററില്‍ കുറിച്ചു. കോണ്‍ഗ്രസ് മുന്‍പ്രസിഡന്റും എംപിയുമായ രാഹുല്‍ ഗാന്ധിക്ക് കോവിഡ് സ്ഥിരീകരിച്ചത് വളരെ ഞെട്ടലോടെയാണ് കേട്ടതെന്ന് ഡിഎംകെ നേതാവ് എംകെ സ്റ്റാലിന്‍ പറഞ്ഞു. എത്രയും വേഗം രോഗമുക്തനാവട്ടെയെന്നും എല്ലാവരും ആവശ്യമായ മുന്‍ കരുതല്‍ സ്വീകരിക്കണമെന്നും സ്റ്റാലിന്‍ ട്വിറ്ററില്‍ കുറിച്ചു.
താനുമായി കഴിഞ്ഞ ദിവസങ്ങളില്‍ സമ്പര്‍ക്കം പുലര്‍ത്തിയവരോട് നീരീക്ഷണത്തില്‍ പോവാനും കോവിഡ് പ്രോട്ടോകോള്‍ പാലിക്കാനും രാഹുല്‍ അഭ്യര്‍ഥിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
