കൊല്ക്കത്തയില് റെയില്വേ ഓഫീസില് വന് തീപിടുത്തം ; ഒമ്പത് മരണം
കൊല്ക്കത്ത: പശ്ചിമ ബംഗാളിലെ കൊല്ക്കത്തയില് റെയില്വേയുടെ കെട്ടിടത്തിലുണ്ടായ തീപിടുത്തത്തില് ഒമ്പതു പേര് മരിച്ചു. സെന്ട്രല് കൊല്ക്കത്തയിലെ സ്ട്രാന്ഡ് റോഡിലെ ന്യൂ കൊയ്ലാഘട്ട് ബില്ഡിംഗിലാണ് ഇന്നലെ വൈകീട്ടോടെ വന് അഗ്നിബാധയുണ്ടായത്.
കെട്ടിടത്തിന്റെ 13-ാം നിലയിലാണ് തീപ്പിടിത്തമുണ്ടായത്. ഈസ്റ്റേണ് റെയില്വേയും സൗത്ത് ഈസ്റ്റേണ് റെയില്വേയും സംയുക്തമായി ഉപയോഗിക്കുന്ന ഓഫീസ് കെട്ടിടമാണ് ഇത്. ടിക്കറ്റിങ് ഓഫീസുകളാണ് കെട്ടിടത്തില് പ്രവര്ത്തിച്ചിരുന്നതെന്നാണ് റിപ്പോര്ട്ടുകള്.
തീപിടുത്തത്തില് നാല് അഗ്നിരക്ഷാ സേനാ ഉദ്യോഗസ്ഥരും ഒരു പൊലീസുകാരനും ഒരു റെയില്വേ ഓഫീസറും ഒരു സുരക്ഷാജീവനക്കാരനും മരിച്ചു. 12-ാം നിലയിലെ ലിഫ്റ്റിനുള്ളിലാണ് അഞ്ചു മൃതദേഹങ്ങള് കണ്ടെത്തിയത്. കെട്ടിടത്തിന്റെ 13ാം നിലയിലാണ് തീപ്പിടിത്തമുണ്ടായത്. അഗ്നിരക്ഷാ സേനയുടെ 25ഓളം ഫയര് എന്ജിനുകള് സ്ഥലത്തെത്തി രക്ഷാപ്രവര്ത്തനം നടത്തി.
പശ്ചിമ ബംഗാള് മുഖ്യമന്ത്രി മമതാ ബാനര്ജി സംഭവസ്ഥലം രാത്രിയോടെ സന്ദര്ശിച്ചു. മരിച്ചവരുടെ കുടുംബങ്ങള്ക്ക് പത്തുലക്ഷം രൂപ വീതം നല്കുമെന്നും മമത ബാനര്ജി അറിയിച്ചു. തീപ്പിടിത്തം ഉണ്ടായത് റെയില്വേയുടെ കെട്ടിടത്തിലാണെന്നും റെയില്വേയ്ക്കാണ് ഉത്തരവാദിത്തമെന്നും മമത പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
