ന്യൂഡല്ഹി: രാജ്യസഭ, സംസ്ഥാന നിയമ നിര്മ്മാണ കൗണ്സില് തെരഞ്ഞെടുപ്പ് തീയതി പ്രഖ്യാപിച്ചു. തെരഞ്ഞെടുപ്പ് ജൂണ് 18 ന് നടക്കുമെന്ന് കേന്ദ്ര തെരഞ്ഞെടുപ്പ് കമ്മീഷന് അറിയിച്ചു. രാജ്യസഭയിലേക്ക് 27 സീറ്റുകളിലേക്കാണ് തെരഞ്ഞെടുപ്പ് നടക്കുക.
ജൂണ് 18 രാവിലെ 8 മുതല് വൈകീട്ട് നാലു മണി വരെയാണ് വോട്ടെടുപ്പ്. വൈകീട്ട് 5 മണി മുതല് വോട്ടെണ്ണല് ആരംഭിക്കും. രാജ്യസഭയിലേക്ക് നാമനിര്ദേശ പത്രിക സമര്പ്പണം ജൂണ് 1 ന് ആരംഭിക്കും. ജൂണ് 8-ാം തീയതി വൈകീട്ട് മൂന്നു വരെ പത്രിക സമര്പ്പിക്കാവുന്നതാണ്. ജൂണ് 9 ന് നാമനിര്ദേശ പത്രികകളുടെ സൂക്ഷ്മ പരിശോധന നടക്കും.
ജൂണ് 11 ആണ് നാമനിര്ദേശ പത്രിക പിന്വലിക്കാനുള്ള അവസാന തീയതി. 10 സംസ്ഥാനങ്ങളിലായി രാജ്യസഭയിലെ 24 സീറ്റുകളിലേക്ക് ദ്വിവത്സര (രണ്ട് വര്ഷത്തിലൊരിക്കല് നടക്കുന്ന) തെരഞ്ഞെടുപ്പ് നടക്കുമെന്ന് തെരഞ്ഞെടുപ്പ് കമ്മീഷന് വ്യക്തമാക്കി.
മഹാരാഷ്ട്ര, തമിഴ്നാട്, ഒഡീഷ എന്നീ സംസ്ഥാനങ്ങളിലെ രാജ്യസഭാ സീറ്റുകളിലേക്ക് ഉപതെരഞ്ഞെടുപ്പുകളും നടക്കും. ബീഹാറിലെ സംസ്ഥാന നിയമനിര്മ്മാണ കൗണ്സിലിലെ (ലെജിസ്ലേറ്റീവ് കൗണ്സില്) ഒമ്പത് സീറ്റുകളിലേക്ക് ദ്വിവത്സര തെരഞ്ഞെടുപ്പും, ഒരു സീറ്റിലേക്ക് ഉപതെരഞ്ഞെടുപ്പും നടക്കും. കര്ണാടക കൗണ്സിലിലേക്കുള്ള 7 സീറ്റുകളിലേക്കുള്ള തെരഞ്ഞെടുപ്പും ഇതോടൊപ്പം നടക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
