ന്യൂഡല്ഹി: എന്ഡിപിഎസ് ( നാര്ക്കോട്ടിക് ഡ്രഗ്സ് ആന്റ് സൈക്കോട്രോപിക് സബ്സ്റ്റന്സസ് ആക്ട്) പ്രകാരമുള്ള കേസില് 60 വയസുകാരിയുടെ ജാമ്യാപേക്ഷ സുപ്രീംകോടതി തള്ളി. പ്രതിയെ സ്ത്രീ ആയി കാണാനാവില്ലെന്നും ലേഡീ ഡോണ് ആണെന്നും കോടതി നിരീക്ഷിച്ചു.
സമാനമായ കുറ്റകൃത്യങ്ങളില് ഇവര് നിരന്തരം ഏര്പ്പെട്ടിരുന്നതിനാല് 'ഒരു സ്ത്രീയെന്ന നിലയിലുള്ള വിശ്വാസ്യത ഇവര്ക്ക് നഷ്ടപ്പെട്ടു' എന്ന് ഹര്ജി പരിഗണിക്കവെ ജസ്റ്റിസ് പ്രശാന്ത് കുമാര് മിശ്ര പരാമര്ശിച്ചു. കുറ്റകൃത്യവുമായി ബന്ധപ്പെട്ട് മുമ്പ് നാല് തവണ ജാമ്യത്തിനായി കോടതിയെ സമീപിച്ചിരുന്നു. അവസാനത്തെ അപേക്ഷ മധ്യപ്രദേശ് ഹൈക്കോടതി തള്ളിയതിനെത്തുടര്ന്നാണ് സുപ്രീംകോടതിയെ സമീപിച്ചത്. ജസ്റ്റിസുമാരായ മിശ്ര, അതുല് എസ് ചന്ദൂര്ക്കര് എന്നിവരടങ്ങിയ ബെഞ്ചാണ് ഹര്ജി പരിഗണിച്ചത്.
ഹര്ജിക്കാരിക്ക് വേണ്ടി ഹാജരായ അഭിഭാഷകന് അവരുടെ പ്രായം കണക്കിലെടുത്ത് ഇളവ് നല്കണമെന്ന് അഭ്യര്ത്ഥിക്കുകയും കള്ളക്കേസില് കുടുക്കിയതാണെന്ന് വാദിച്ചെങ്കിലും കോടതി ജാമ്യം നല്കാന് തയ്യാറായില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
