ലഖ്നൗ: രാജ്യം കോവിഡ് മൂന്നാംതരംഗത്തിന്റെ മൂര്ധന്യത്തില് നില്ക്കെ ആയിരക്കണക്കിന് പെണ്കുട്ടികളെ പങ്കെടുപ്പിച്ച് കോണ്ഗ്രസിന്റെ തെരഞ്ഞടുപ്പ് പരിപാടി. 'ലഡ്കി ഹൂണ്, ലഡ് സക്തീ ഹൂണ്' എന്ന മുദ്രാവാക്യമുയര്ത്തിയാണ് ഉത്തര്പ്രദേശിലെ ബറേലിയില് കോണ്ഗ്രസ് നേതാവ് മാരത്തോണ് സംഘടിപ്പിച്ചത്. മാരത്തോണില് പങ്കെടുത്ത ഒരാള് പോലും മാസ്കോ സാമൂഹികമോ അകലമോ പാലിച്ചിരുന്നില്ല.
ആയിരക്കണക്കിന് പെണ്കുട്ടികളാണ് പരിപാടിയില് പങ്കെടുത്തത്. തിക്കിലും തിരക്കിലും പെട്ട് നിരവധി പേര്ക്ക് പരിക്കേറ്റു. സംസ്ഥാനത്ത് കോവിഡ് കേസുകള് ഉയരുന്ന പശ്ചാത്തലത്തിലാണ് കോവിഡ് പ്രോട്ടോകോള് പാലിക്കാതെ ഇത്തരമൊരു പരിപാടി സംഘടിപ്പിച്ചത്.
മാരത്തോണ് തുടങ്ങിയതിന് പിന്നാലെ തിക്കിലും തിരക്കിലും പെട്ട് നിരവധി പേരാണ് നിലത്ത് വീണത്. എന്നാല് ആരുടെയും പരിക്ക് സാരമല്ല. കോണ്ഗ്രസ് നേതാവും മുന് ബറേലി മേയറുമായ സുപ്രിയ ആരോണാണ് മാരത്തണ് സംഘടിപ്പിച്ചത്. ഇത് സ്വാഭാവികമായി ഉണ്ടായ ആള്ക്കൂട്ടമാണെന്നായിരുന്നു സുപ്രിയയുടെ പ്രതികരണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
