ന്യൂഡല്ഹി: നീറ്റ് പരീക്ഷ ക്രമക്കേടില് പ്രതിഷേധം ശക്തമാകുന്നതിനിടെ സിജെപിയുമായി ചര്ച്ചയ്ക്ക് സന്നദ്ധത അറിയിച്ച് കേന്ദ്രസര്ക്കാര്. 24 മണിക്കൂറിനിടെ നാലുതവണ വിദ്യാര്ഥി പ്രതിനിധികളെ ചര്ച്ചയ്ക്ക് സമീപിച്ചെന്നും എപ്പോള് വേണമെങ്കിലും എത്ര സമയവും ചര്ച്ചയ്ക്ക് തയ്യാറാണെന്ന് കേന്ദ്രമന്ത്രി ജിതേന്ദ്ര സിങ് അറിയിച്ചു.
ജെപി നഡ്ഡയുടെ ഓഫീസിലോ വസതിയിലോ ചര്ച്ച നടത്താം. തങ്ങള്ക്ക് ഇക്കാര്യത്തില് അഭിമാന പ്രശ്നമില്ലെന്നും താനും ആരോഗ്യമന്ത്രി ജെപി നഡ്ഡയും ചര്ച്ചയില് സര്ക്കാരിനെ പ്രതിനിധീകരിക്കുമെന്നും ജിതേന്ദ്ര സിങ് പറഞ്ഞു. വിദ്യാര്ഥികളുടെ ക്ഷേമത്തിനായി സര്ക്കാര് സ്വീകരിക്കുന്ന നിരന്തരമായ നടപടികളുടെ ഭാഗമാണിത്. വിനയപൂര്വ്വം, നിങ്ങളെല്ലാവരെയും വന്ന് ചര്ച്ചകളില് പങ്കെടുക്കാന് അഭ്യര്ത്ഥിക്കുന്നതായും അദ്ദേഹം പറഞ്ഞു.
'കഴിഞ്ഞദിവസം ഉച്ചമുതല് അവരുടെ പ്രതിനിധികളുമായി ചര്ച്ചകള്ക്ക് സര്ക്കാര് നാല് തവണ സമീപിച്ചിട്ടുണ്ട്. എല്ലാ യുവ സുഹൃത്തുക്കളുമായും സര്ക്കാര് ചര്ച്ചകള്ക്ക് തയ്യാറാണ്. എപ്പോള് വേണമെങ്കിലും, നിങ്ങളുടെ സൗകര്യത്തിനനുസരിച്ച് എല്ലാ വിഷയങ്ങളിലും ചര്ച്ചകള്ക്ക് തയ്യാറാണ്. സര്ക്കാരിന് യാതൊരു മുന്വിധികളുമില്ല', പ്രധാനമന്ത്രിയുടെ ഓഫീസിന്റെ ചുമതലയുള്ള സഹമന്ത്രി കൂടിയായ ജിതേന്ദ്ര സിങ് വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
