ജയ്പൂര്‍: റീല്‍ ചിത്രീകരിക്കാന്‍ മദ്യലഹരിയില്‍ റെയില്‍വേ ട്രാക്കിലൂടെ എസ് യുവി ഓടിച്ചയാള്‍ അറസ്റ്റില്‍. സോഷ്യല്‍ മീഡിയയില്‍ പങ്കുവയ്ക്കാനാണ് യുവാവ് വിഡിയോ ചിത്രീകരിച്ചത്. റെയില്‍വേ ട്രാക്കിലൂടെ മഹീന്ദ്ര ഥാര്‍ എസ്‌യുവി ഓടിക്കാന്‍ ശ്രമിക്കുകയായിരുന്നു. രാജസ്ഥാനിലെ ജയ്പൂരിലാണ് സംഭവം
ഉടന്‍ പാളത്തിലൂടെ ഒരു ചരക്കുതീവണ്ടി വന്നതിനാലും മദ്യലഹരിയിലായിരുന്നതിനാലും വാഹനം പൂര്‍ണ്ണമായി ട്രാക്കിന് മുകളില്‍ കയറ്റാന്‍ ഡ്രൈവര്‍ക്ക് സാധിച്ചില്ല. ഇതോടെ എസ്‌യുവി റെയില്‍വേ ട്രാക്കുകള്‍ക്കിടയില്‍പ്പെട്ടുപോയി. ദൂരെ നിന്നും ഇതുകണ്ട ലോക്കോ പൈലറ്റ് ട്രെയിന്‍ ബ്രേക്കിട്ട് നിര്‍ത്തി. ഇതോടെയാണ് വലിയ ദുരന്തം ഒഴിവായത്.
തടിച്ചുകൂടിയ ആളുകള്‍ ചേര്‍ന്ന് വാഹനം ട്രാക്കിന് പുറത്തെത്തിക്കാന്‍ ശ്രമിച്ചു. 15 മിനിറ്റോളം നീണ്ട പ്രയത്നത്തിനൊടുവില്‍ വാഹനം ട്രാക്കില്‍നിന്ന് പുറത്തെടുത്തു. ഇതിന് പിന്നാലെ ഇരുപത് മീറ്ററോളം റിവേഴ്‌സ് എടുത്ത് ഡ്രൈവര്‍ വണ്ടി നിര്‍ത്താതെ പോയി. ഇതിനിടെ മൂന്നുപേരെ വാഹനം ഇടിച്ചിടുകയും ചെയ്തു. പിന്നാലെ പൊലീസ് പിന്തുടര്‍ന്ന് പ്രതിയെ പിടികൂടുകയായിരുന്നു. ഇതിന്റെ വീഡിയോ സാമൂഹിക മാധ്യമങ്ങളില്‍ വ്യാപകമായി പ്രചരിക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
