മുംബൈ; അയല്‍വാസിയായ ആണ്‍കുട്ടി മാസങ്ങളോളം പീഡിപ്പിച്ചതിനെ തുടര്‍ന്ന് പത്തു വയസുകാരി ഗര്‍ഭിണിയായി. മഹാരാഷ്ട്രയിലെ പല്‍ഗര്‍ ജില്ലയിലാണ് ഞെട്ടിപ്പിക്കുന്ന സംഭവമുണ്ടായത്. പെണ്‍കുട്ടിയുടെ മാതാപിതാക്കള്‍ പന്ത്രണ്ടു വയസുകാരന് എതിരേ പരാതി നല്‍കിയതിനെ തുടര്‍ന്ന് പൊലീസ് കേസ് എടുത്തു.
പ്രായപൂര്‍ത്തിയാകാത്ത കുട്ടികള്‍ ഇരുവരും അയല്‍വാസികളായിരുന്നു. കഴിഞ്ഞ നാല് മാസമായി ആണ്‍കുട്ടി പത്ത് വയസുകാരിയെ പീഡിപ്പിക്കുകയായിരുന്നു എന്നാണ് പരാതിയില്‍ പറയുന്നത്. കഴിഞ്ഞ ദിവസം പെണ്‍കുട്ടി വയര്‍വേദനിക്കുന്നതായി മാതാപിതാക്കളോട് പറഞ്ഞു. തുടര്‍ന്ന് ചികിത്സയ്ക്കായി ഡോക്ടറെ കാണിച്ചപ്പോഴാണ് ഗര്‍ഭിണിയാണെന്ന് മനസിലാവുന്നത്.
മാതാപിതാക്കള്‍ ചോദിച്ചപ്പോഴാണ് നടന്ന സംഭവം കുട്ടി പറയുന്നത്. തുടര്‍ന്നാണ് ആണ്‍കുട്ടിയ്‌ക്കെതിരേ പരാതി നല്‍കിയത്. ഇതുവരെ ആണ്‍കുട്ടിയെ കസ്റ്റഡിയില്‍ എടുത്തിട്ടില്ല. അന്വേഷണം നടക്കുകയാണെന്ന് പൊലീസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
