പാറ്റ്‌ന : ഗുജറാത്ത്, ഹിമാചല്‍ പ്രദേശ് നിയമസഭാ തെരഞ്ഞെടുപ്പുകലില്‍ ബിജെപി വീണ്ടും അധികാരത്തിലെത്തുമെന്ന് പ്രമുഖ ദേശീയ മാധ്യമങ്ങളെല്ലാം സംഘടിപ്പിച്ച എക്‌സിറ്റ് പോള്‍ ഫലങ്ങള്‍ വ്യക്തമാക്കുന്നു. ഇതേത്തുടര്‍ന്ന് ബിജെപി ക്യാമ്പുകളിലെല്ലാം ആഹ്ലാദം അലയടിക്കുന്നുണ്ട്. അതിനിടെ എക്‌സിറ്റ് പോള്‍ ഫലം കണ്ട് ആഹ്ലാദിക്കാന്‍ വരട്ടെയെന്ന മുന്നറിയിപ്പുമായി ആര്‍ജെഡി നേതാവും ബീഹാര്‍ മുന്‍ ഉപമുഖ്യമന്ത്രിയുമായ തേജസ്വി യാദവ് രംഗത്തെത്തി.
2015 ലെ ബീഹാര്‍ നിയമസഭാ തെരഞ്ഞെടുപ്പില്‍ ബിജെപി വന്‍ മാര്‍ജിനില്‍ വിജയിച്ച് അധികാരത്തില്‍ വരുമെന്നായിരുന്നു പ്രവചനം. ടുഡെയ്‌സ് ചാണക്യ ബിജെപിക്ക് 155 സീറ്റുകള്‍ വരെ ലഭിക്കുമെന്ന് പ്രവചിച്ചു. മിക്ക സര്‍വെകളും ബിജെപിക്ക് 120 ഓ, അതിനു മുകളിലോ സീറ്റു കിട്ടുമെന്നാണ് അഭിപ്രായപ്പെട്ടത്.
എന്നാല്‍ സംഭവിച്ചത് നേരെ മറിച്ചാണ്. നിതീഷ് കുമാറിന്റെ നേതൃത്വത്തിലുള്ള മഹാസഖ്യമാണ് മികച്ച വിജയത്തോടെ അധികാരത്തിലെത്തിയത്. അതുതന്നെ എക്‌സിറ്റ് പോള്‍ ഫലങ്ങളില്‍ വലിയ കാര്യമില്ലെന്ന് തെളിയിക്കുന്നുവെന്നും തേജസ്വി യാദവ് ട്വിറ്ററിലെ സന്ദേശത്തില്‍ വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
