ശ്രീനഗര്‍: തെക്കന്‍ കശ്മീരിലെ ബിജ്‌ബെഹ്‌റയിലുണ്ടായ ഏറ്റുമുട്ടലില്‍ സൈന്യം ആറ് ഭീകരരെ വധിച്ചു. പൊലീസും സൈന്യവുമായി ചേര്‍ന്ന് നടത്തിയ തിരച്ചിലിലാണ് ഭീകരര്‍ താമസിച്ചിരുന്ന വീട് കണ്ടെത്തിയത്. യുദ്ധസമാനമായ സാഹചര്യമാണ് നേരിടേണ്ടിവന്നതെന്നും വലിയ തോതില്‍ ആയുധങ്ങള്‍ സംഭരിച്ച് സൂക്ഷിച്ചുവരികയായിരുന്നുവെന്നും സൈന്യം അറിയിച്ചു. ഇന്‍സാസ് റൈഫിള്‍ ഉള്‍പ്പടെ കൊല്ലപ്പെട്ടവരില്‍ നിന്നും കണ്ടെടുത്തു.
സെയ്‌പോറ ഗ്രാമത്തില്‍ നിന്നും രഹസ്യ സന്ദേശം ലഭിച്ചതിനെ തുടര്‍ന്ന് തിരച്ചിലിനെത്തിയ സൈനികര്‍ക്ക് നേരെ ഭീകരര്‍ വെടിയുതിര്‍ക്കുകയായിരുന്നു. ഏറ്റുമുട്ടല്‍ ഇപ്പോഴും തുടരുകയാണ്. അനന്ത്‌നാഗിന് സമീപമാണ് ഭീകരരുമായി ഏറ്റുമുട്ടലുണ്ടായ ബിജ്‌ബെഹ്‌റ. ഭീകരസംഘടനയായ ലഷ്‌കര്‍- ഇ - ത്വയ്ബ പ്രവര്‍ത്തകരാണ് കൊല്ലപ്പെട്ട ആറ്‌പേരുമെന്ന് ജമ്മു കശ്മീര്‍ പൊലീസ് ട്വിറ്ററില്‍ അറിയിച്ചു.
ചൊവ്വാഴ്ച ഷോപിയാനില്‍ നാല് ഭീകരരെ സൈന്യം വധിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
