പുതുച്ചേരി : വിദേശത്തുനിന്ന്‌ വരുന്നവർക്ക്‌ കോവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കി പുതുച്ചേരി. കോവിഡ് ഇല്ലെന്നുള്ള സർട്ടിഫിക്കറ്റ് നിർബന്ധമാക്കിയ സംസ്ഥാന സർക്കാരിനെതിരെ യുഡിഎഫ് കേരളത്തിൽ പ്രതിഷേധം ശക്തമാക്കുന്നതിനിടെയാണ്, കോൺഗ്രസ് ഭരിക്കുന്ന പുതുച്ചേരിയിൽ കോവിഡ് സർട്ടിഫിക്കറ്റ് നിർബന്ധമാക്കിയിട്ടുള്ളത്.
കോവിഡ് ഇല്ലാത്തവരെ മാത്രമേ സംസ്ഥാനത്തേക്ക്‌ പ്രവേശിപ്പിക്കൂ എന്ന് പുതുച്ചേരി മുഖ്യമന്ത്രി വി നാരായണ സ്വാമി അറിയിച്ചു. കോവിഡ് ഇല്ലെന്ന സർട്ടിഫിക്കറ്റ് ഉള്ളവരെ മാത്രമേ സംസ്ഥാനത്തിലേക്ക് കടത്തൂ. തമിഴ്നാട് അതിർത്തിയായ കൂടല്ലൂർ, വില്ലുപുരം എന്നിവ അടയ്ക്കും. ചികിത്സയ്‌ക്കു‌മാത്രമേ തമിഴ്നാട്ടിൽനിന്നുള്ളവരെ പ്രവേശിപ്പിക്കൂ. ചെന്നൈയിൽ നിന്നുള്ള ഇ– പാസ്‌ അനുവദിക്കില്ലെന്നും മുഖ്യമന്ത്രി പറഞ്ഞു.
പുതുച്ചേരിയിൽ രോഗം വ്യാപിക്കുന്ന പശ്ചാത്തലത്തിൽ വിദഗ്‌ധരുടെ നിർദേശംകൂടി പരിഗണിച്ചാണ്‌ പുതുച്ചേരി സർക്കാർ നിലപാട്‌ കടുപ്പിച്ചത്‌. കോവിഡ് രോഗവ്യാപനം കൂടുന്ന പശ്ചാത്തലത്തിൽ അന്തർ സംസ്ഥാന അതിർത്തികളിൽ നിരീക്ഷണം കർശനമാക്കുമെന്നും മുഖ്യമന്ത്രി നാരായണ സ്വാമി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
