കോവിഡ് ബാധിച്ച് മരിച്ചവരുടെ സംസ്കാരം തടഞ്ഞാൽ മൂന്ന് വർഷം തടവും പിഴയും; കടുത്ത നടപടിയുമായി തമിഴ്നാട് സർക്കാർ

ചെന്നൈ: കോവിഡ് 19 ബാധിച്ച് മരിച്ചവരുടെ സംസ്കാരം തടഞ്ഞാൽ തമിഴ്നാട്ടിൽ ഇനി തടവു ശിക്ഷ. സംസ്കാരം തടഞ്ഞാൽ മൂന്ന് വർഷം വരെ തടവിൽ കഴിയേണ്ടി വരും. തടവിനൊപ്പം പിഴ ശിക്ഷയുമുണ്ട്.

ഇതുമായി ബന്ധപ്പെട്ട ഓർഡിനൻസിന് മന്ത്രിസഭ അം​ഗീകാരം നൽകി. ഉടൻ വിജ്ഞാപനം ഇറങ്ങും. 

സംസ്ഥാനത്ത് പലയിടത്തും കോവിഡ‍് ബാധിച്ചവരെ സംസ്കരിക്കാൻ ജനങ്ങൾ അനുവദിക്കാത്തത് വലിയ വാർത്തായായിരുന്നു. ഇതിനെത്തുടർന്നാണ് സർക്കാർ ഓർഡിനൻസ് കൊണ്ടു വന്നത്.