ജീവനും കൊണ്ടോടുന്ന പൊലീസ്; പിന്നാലെ വാളുമായി യുവാവ്; മദ്യലഹരിയില്‍ പരാക്രമം (വീഡിയോ)

വിശാഖപട്ടണം: മദ്യലഹരിയില്‍ പൊലീസുകാരന് നേരെ വാളോങ്ങി യുവാവിന്റെ പരാക്രമം. പൊലീസുകാരനെ വിരട്ടിയോടിക്കുന്നതിന്റെ ദൃശ്യങ്ങള്‍ പുറത്ത്. സംഭവത്തില്‍ പ്രതിയെ പൊലീസ് അറസ്റ്റ് ചെയ്തു.

ആന്ധ്രാപ്രദേശിലെ വിശാഖപട്ടണത്താണ് സംഭവം. നവംബര്‍ 17ന് നടന്ന സംഭവത്തിന്റെ ദൃശ്യങ്ങളാണ് പ്രചരിക്കുന്നത്. വിശാഖപട്ടണത്തെ കുട്ടികളുടെ തിയേറ്ററിലാണ് ഒരാള്‍ പരാക്രമം കാണിച്ചത്. മദ്യലഹരിയില്‍ ഡമ്മി രൂപത്തിലുളള  വാളോങ്ങി പൊലീസുകാരനെ പിന്തുടരുന്നതാണ് ദൃശ്യങ്ങളിലുളളത്. ഇയാളുടെ പ്രവൃത്തിയില്‍ ഭയന്ന് പൊലീസുകാരന്‍ ഓടുന്നതും ദൃശ്യങ്ങളില്‍ കാണാം.