മുംബൈ: രാഷ്ട്രീയമായി കോണ്‍ഗ്രസിനെ കുറ്റവിമുക്തമാക്കിയ ടുജി സ്‌പെക്ട്രം വിധിയ്ക്ക് പിന്നാലെ ബിജെപിയെ വീണ്ടും വിമര്‍ശിച്ച് ശിവസേന രംഗത്ത്. ടു ജി സ്‌പെക്ട്രം അനുവദിച്ചതില്‍ അഴിമതി നടന്നതായുളള ആരോപണം എന്തിന് ദേശീയ വിഷയമായി ബിജെപി ഉയര്‍ത്തി കൊണ്ടുവന്നു എന്ന് വിശദീകരിക്കണമെന്ന് ശിവസേന ആവശ്യപ്പെട്ടു. യുപിഎ സര്‍ക്കാരിനെ പിടിച്ചുകുലുക്കിയ ടുജി സ്‌പെക്ട്രം അഴിമതിക്കേസില്‍ പട്യാല കോടതി എല്ലാ പ്രതികളെയും വെറുതെ വിട്ടിരുന്നു. ഇതിന് പിന്നാലെയാണ് എന്‍ഡിഎ ഘടകകക്ഷിയായ ശിവസേനയുടെ പ്രതികരണം.
കോടതി വിധിയുടെ അര്‍ത്ഥം മനസ്സിലാക്കിയാല്‍ ഒറ്റ നോട്ടത്തില്‍ ഒരു അഴിമതിയും നടന്നിട്ടില്ലെന്ന ഉത്തരത്തില്‍ എത്തും. ഇത് തന്നെ അത്ഭുതപ്പെടുത്തിയതായി ശിവസേന എം പി സഞ്ജയ് റൗത്ത് അറിയിച്ചു. രാജ്യം ഭരിക്കുന്ന പാര്‍ട്ടിയാണ് അഴിമതി ആരോപണം ഉയര്‍ത്തികൊണ്ടുവന്നത്. അതുകൊണ്ടുതന്നെ ഇതുസംബന്ധിച്ച് വിശദീകരണം നല്‍കാന്‍ ബിജെപി ബാധ്യസ്ഥമാണെന്നും പാര്‍ട്ടിയുടെ പേര് പരാമര്‍ശിക്കാതെ സഞ്ജയ് റൗത്ത് പറഞ്ഞു. ടുജി സ്‌പെക്ട്രം വിധിയില്‍ സന്തോഷമുണ്ടെന്ന് എന്‍സിപി നേതാവ് സുപ്രിയ സുലേ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
