അഹമ്മദബാദ്: അപകടങ്ങള്‍ തുടര്‍ക്കഥയായാലും വണ്ടികളില്‍ ഓടിക്കയറുന്ന ശീലം ചിലര്‍ മാറ്റാറില്ല. പലരും തലനാരിഴയ്ക്കാണ് വന്‍ ദുരന്തങ്ങളില്‍ നിന്ന് രക്ഷപെടുന്നത്. അത്തരത്തില്‍ ഒരു വീഡിയോയാണ് ഇപ്പോള്‍ സമൂഹമാധ്യമങ്ങളില്‍ വൈറല്‍.
അഹമ്മദാബാദ് റയില്‍വെ സ്‌റ്റേഷനിലാണ് സംഭവം. നീങ്ങിത്തുടങ്ങിയ ട്രെയിനില്‍ കയറുന്നതിനിടെ യുവതി പിടി വിട്ട് പ്ലാറ്റ് ഫോമിലേക്ക് വീഴുകയായിരുന്നു. ആ സമയം ഡ്യട്ടിയിലുണ്ടായിരുന്ന ആര്‍പിഎഫ് ജവാന്റെ ഇടപെടലാണ് യുവതിക്ക് ജീവന്‍ തിരികെ കിട്ടിയത്.
റയില്‍വെ സ്റ്റേഷനില്‍ നിന്നും ട്രയിനിലേക്ക് ഓടിക്കയറുന്നതിനിടെയാണ് യുവതി അപകടത്തില്‍പ്പെട്ടത്. കംപാര്‍ട്ട്്‌മെന്റിലേക്ക് കയറുന്നതിനിടെ പിടിവിട്ട യുവതി പാളത്തിലേക്ക് വീഴുമ്പോഴാണ് പൊലീസുകാരന്‍ കൈകള്‍ യുവതിയുടെ രക്ഷയ്‌ക്കെത്തിയത്. പൊലിസുകാരനൊപ്പം പ്ലാറ്റ്‌ഫോമിലെ യാത്രക്കാരും ചേര്‍ന്നാണ് യുവതിയെ അപകടത്തില്‍ നിന്നും രക്ഷിച്ചത്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
