നവംബറോടെ ആഭ്യന്തര വിമാനങ്ങൾ; 60 ശതമാനം സർവീസുകൾ ആരംഭിക്കുമെന്ന് മന്ത്രി

ന്യൂഡൽഹി: ആഭ്യന്തര വിമാന സർവീസുകൾ പുനരാരംഭിക്കുന്നത് ആലോചനയിലെന്ന് വ്യോമയാന മന്ത്രി ഹർദീപ് സിങ് പുരി. 60 ശതമാനം സർവീസുകൾ ആരംഭിക്കാനാണ് ആലോചിക്കുന്നത്. 

കോവിഡിന് മുമ്പ് സർവീസ് നടത്തിയിരുന്ന 55 മുതൽ 60 ശതമാനം വരെയുള്ള ആഭ്യന്തര വിമാന സർവീസുകളാണ് പുനഃരാരംഭിക്കാൻ ആലോചിക്കുന്നത്. ദീപാവലിയോടനുബന്ധിച്ച് നവംബറിൽ വിമാന സർവീസുകൾ തുടങ്ങാമെന്നാണ് കരുതുന്നത്.

അതേസമയം രാജ്യത്ത് കോവിഡ് വ്യാപനം അതിഗുരുതരമായ സാഹചര്യത്തിലേക്കാണ് നീങ്ങുന്നത്. വ്യാഴാഴ്ച 32,695 പുതിയ കോവിഡ് കേസുകളാണ് ഇന്ത്യയിൽ റിപ്പോർട്ട് ചെയ്തത്. ഇതോടെ രാജ്യത്തെ കോവിഡ് കേസുകളുടെ എണ്ണം 9.69 ലക്ഷമായി. ഇതുവരെ 24,915 പേരാണ് കോവിഡ് ബാധിച്ച് രാജ്യത്ത് മരണമടഞ്ഞത്