ന്യൂഡല്‍ഹി: പാന്‍ മസാല തുപ്പാന്‍ ആഡംബരക്കാറില്‍ നിന്നും തല പുറത്തേയ്ക്കിട്ട യുവാവിന് ദാരുണാന്ത്യം. ഗ്രേറ്റര്‍ നോയിഡ സ്വദേശിയായ പ്രശാന്ത് കസാന(27) ആണ് മരിച്ചത്. അമിതവേഗത്തിലെത്തിയ ജാഗ്വാറില്‍ നിന്നും പാന്‍മസാല തുപ്പുന്നതിനായി പ്രശാന്ത് തല പുറത്തേക്ക് നീട്ടിയെന്നും ഡിവൈഡറില്‍ ഇടിച്ചതോടെ നിയന്ത്രണം വിട്ട്‌ റോഡിന്റെ നടുക്കിടിച്ച് നില്‍ക്കുകയായിരുന്നുവെന്നും ദൃക്‌സാക്ഷികള്‍ പറഞ്ഞു. ഗ്രേറ്റര്‍ നോയിഡയിലെ എക്‌സ്പ്രസ് വേയില്‍ വച്ചായിരുന്നു അപകടം.
ഗുരുതരമായി പരിക്കേറ്റ പ്രശാന്തിനെ കൈലാഷ് ആശുപത്രിയില്‍ ആദ്യം പ്രവേശിപ്പിക്കുകയും പിന്നീട് ഇവിടെ നിന്നും അപ്പോളോയിലേക്ക് മാറ്റുകയുമായിരുന്നു. തലയ്‌ക്കേറ്റ ഇടിയില്‍ മസ്തിഷ്‌ക മരണം സംഭവിച്ചുവെന്നും ജീവന്‍ രക്ഷിക്കാനായില്ലെന്നും ഡോക്ടര്‍മാര്‍ വെളിപ്പെടുത്തി.
വൈകുന്നേരം ആറ് മണിക്ക് അപകടം നടന്നുവെങ്കിലും വിവരം ലഭിച്ചത് രാത്രി ഒന്‍പത് മണിയോടെയാണെന്നും കാര്‍ സംഭവസ്ഥലത്ത് നിന്നും
ആരോ നീക്കം ചെയ്തിരുന്നും പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
