ജയ്പുര്‍: രാജസ്ഥാനിലെ എയര്‍ ഫോഴ്‌സ് സ്‌റ്റേഷനു സമീപത്തുനിന്ന് ബോംബ് കണ്ടെത്തി. ബികാനീർ ടൗണിന് 13 കിലോമീറ്റർ മാറി നാല്‍-ബിക്കനീര്‍ എയര്‍ ഫോഴ്‌സ് സ്‌റ്റേഷനു സമീപത്തുനിന്നുമാണ് ബോംബ് കണ്ടെത്തിയത്.
പൊലീസും വ്യോമസേനാ ഉദ്യോഗസ്ഥരും സ്ഥലത്തെത്തി. സംഭവത്തിൽ അന്വേഷണം ആരംഭിച്ചിട്ടുണ്ട്. കഴിഞ്ഞ ദിവസം അതിർത്തിയിൽ പാകിസ്ഥാന്റെ എഫ് -16 യുദ്ധവിമാനങ്ങൾ നിയന്ത്രണരേഖ ലംഘിക്കാനെത്തിയിരുന്നു. എന്നാൽ ഇന്ത്യൻ വ്യോമസേന സുഖോയ് വിമാനങ്ങൾ നിരത്തി പ്രതിരോധിച്ചതോടെ, പാക് വിമാനങ്ങൾ തിരിച്ചുപോകുകയായിരുന്നു.
കൂടാതെ അതിർത്തിയിൽ ആളില്ലാ ഡ്രോണുകളെയും പാകിസ്ഥാൻ ഇന്ത്യൻ സേനാ വിന്യാസം നിരീക്ഷിക്കാൻ വിട്ടിരുന്നു. ഇതിനിടെ പാക് വിമാനത്തിൽ നിന്നും വീണ ബോംബാണോ ഇതെന്നും പരിശോധിക്കുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
