പട്‌ന: കേരള മുഖ്യമന്ത്രി പിണറായി വിജയന്‍ തീകൊണ്ട് കളിക്കുകയാണെന്ന് ആര്‍എസ്എസ്. മോഹന്‍ ഭാഗവതിന്റെ കേരളത്തെക്കുറിച്ചുള്ള പരാമര്‍ശത്തിനെതിരെ പിണറായി വിജയന്‍ രൂക്ഷഭാഷയില്‍ വിമര്‍ശിച്ചിരുന്നു. ഇതിനെതിരെയാണ് ആര്‍എസ്എസ് നേതാവ് രാകേഷ് സിന്‍ഹയുടെ പ്രതികരണം.
കേരള സര്‍ക്കാര്‍ ജിഹാദികളെ പ്രോത്സാഹിക്കുകയും പിന്തുണയ്ക്കുകയുമാണ്. കേരളത്തിലെ ജനങ്ങള്‍ രാജ്യസ്‌നേഹികളാണ്. ഇവര്‍ സ്വാതന്ത്ര്യ സമരത്തില്‍ വലിയ പങ്കുവഹിച്ചവരാണ്. എന്നാല്‍ പിണറായി വിജയന്‍ ഭാഗവതിന്റെ ആരോപണങ്ങളില്‍ നിന്ന് ജനശ്രദ്ധ തിരിച്ചുവിടാനാണ് ശ്രമിക്കുന്നതെന്ന് സിന്‍ഹ പറഞ്ഞു.
വര്‍ഗീയ ശക്തിക്കും രാജ്യദ്രോഹിക്കും കൊട്ടാനുള്ള ചെണ്ടയല്ല കേരളമെന്നായിരുന്നു കേരളത്തെ അപകീര്‍ത്തിപ്പെടുത്തി സംസാരിച്ച ആര്‍എസ്എസ് മേധാവിയ്ക്ക് മുഖ്യമന്ത്രി മറുപടി നല്‍കിയത്. വര്‍ഗീയശക്തികളെ വര്‍ഗീയശക്തികളായും ക്രിമിനല്‍കുറ്റത്തെ അതായും തീവ്രവാദപ്രവര്‍ത്തനത്തെ അങ്ങനെയും കാണുന്ന നാടാണ് കേരളമെന്നും പിണറായി പറഞ്ഞിരുന്നു. കേരളവും ബംഗാളും ജിഹാദി ശക്തികള്‍ക്ക് പിന്തുണ നല്‍കുന്നുവെന്നാണ് മോഹന്‍ ഭാഗവത് പറഞ്ഞത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
