മുംബൈ: മഹാരാഷ്ട്ര തലസ്ഥാനമായ മുംബൈയില്‍ കെട്ടിടത്തിന്റെ മൂന്നാമത്തെ നിലയില്‍ നിന്ന് ചാടി യുവതി ആത്മഹത്യ ചെയ്ത നിലയില്‍. പ്രണയ നൈരാശ്യമാണ് 22 കാരിയുടെ ആത്മഹത്യയിലേക്ക് നയിച്ചതെന്നാണ് പൊലീസിന്റെ പ്രാഥമിക നിഗമനം.
മുംബൈ പടിഞ്ഞാറെ ഖാറില്‍ പാര്‍ക് വിസ്ത ഫ്ളാറ്റിന്റെ മൂന്നാമത്തെ നിലയില്‍ നിന്ന് ചാടി ആത്മഹത്യ ചെയ്ത നിലയിലാണ് മൃതദേഹം കണ്ടെത്തിയത്. ഞായറാഴ്ചയാണ് സംഭവം. ദമ്പതികളുടെ ഫ്ളാറ്റില്‍ വീട്ടുജോലിക്ക് നിന്ന പ്രേമലതയാണ് ജീവനൊടുക്കിയതെന്ന് പൊലീസ് പറയുന്നു. യുവതി ഒരു യുവാവുമായി അടുപ്പത്തിലായിരുന്നു. ബന്ധം തകര്‍ന്നതു മൂലം ഉണ്ടായ വിഷാദ രോഗമാണ് ആത്മഹത്യയിലേക്ക് നയിച്ചതെന്നാണ് പൊലീസിന്റെ പ്രാഥമിക വിലയിരുത്തല്‍.
അന്വേഷണത്തിന്റെ ഭാഗമായി മൊബൈല്‍ ഫോണ്‍ പരിശോധിക്കുമെന്ന് പൊലീസ് പറയുന്നു. കെട്ടിടത്തിന്റെ മുകളില്‍ നിന്ന് ചാടിയപ്പോള്‍ അരഭിത്തിയില്‍ തട്ടി പ്രേമലതയ്ക്ക് ഗുരുതര പരിക്കേറ്റിരുന്നു. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
