ഇന്‍ഡോര്‍: പ്രണയിച്ചതിന് പത്തൊമ്പതുകാരിയെ മര്‍ദ്ദിക്കുകയും അര്‍ധനഗ്നയാക്കി റോഡിലൂടെ നടത്തുകയും ചെയ്തു. മധ്യപ്രദേശിലെ അലിരാജ്പൂർ ജില്ലയിലാണ് സംഭവം. ആദിവാസി വിഭാഗത്തില്‍പ്പെട്ട യുവതിയെയാണ് സ്വസമുദായത്തില്‍പ്പെട്ടവര്‍ തന്നെ മര്‍ദ്ദിച്ച് അവശയാക്കിയത്.
ദൃശ്യങ്ങള്‍ സാമൂഹിക മാധ്യമങ്ങളിലൂടെ പ്രചരിച്ചതോടെയാണ് സംഭവം പുറംലോകം അറിയുന്നത്. ഗ്രാമത്തിലെ റോഡിലൂടെ യുവതിയെ അര്‍ധനഗ്നയാക്കി നടത്തിക്കുന്നതും വടികളുപയോഗിച്ച് മര്‍ദ്ദിക്കുന്നതും വിഡിയോയിൽ കാണാം. മറ്റൊരു ആദിവാസിവിഭാഗത്തില്‍പ്പെട്ട യുവാവിനെയാണ് പെൺകുട്ടി പ്രേമിച്ചത്.
'എന്നോട് കരുണ കാട്ടണം' , എന്ന് യുവതി അ‌പേക്ഷിക്കുന്നതും വിഡിയോയിൽ കാണാം. ശനിയാഴ്ച നടന്ന സംഭവത്തിൽ ഇനിയും പരാതിയൊന്നും ലഭിച്ചി‌ട്ടില്ലെന്നും വിഡിയോ പ്രചരിപ്പിച്ച സംഭവത്തില്‍ അന്വേഷണം ആരംഭിച്ചിട്ടുണ്ടെന്നും പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
