ന്യൂഡല്ഹി; ഫാഷന് ഡിസൈനറിനേയും അവരുടെ സഹായിയേയും വീടിനുള്ളില് മരിച്ച നിലയില് കണ്ടെത്തി. സൗത്ത് ഡല്ഹിയിലെ വീട്ടില് വ്യാഴാഴ്ച രാവിലെയാണ് ഇരുവരുടേയും മൃതദേഹം കണ്ടെത്തിയതത്. സംഭവത്തില് ഇവരുടെ തൊഴിലാളി അടക്കം മൂന്ന് പേരെ അറസ്റ്റു ചെയ്തതായി പൊലീസ് പറഞ്ഞു. മാല ലഖാനി (53) സഹായി ലഹദൂര് (50) എന്നിവരാണ് കൊലചെയ്യപ്പെട്ടത്.
ഇവരുടെ തൊഴിലാളിയായ രാഹുല്, റെഹ്മത്ത്, ബഷീര് എന്നിവരാണ് അറസ്റ്റിലായത് . മാലയുടെ ബോട്ടിക്കിലെ തയ്യല്ക്കാരനാണ് രാഹുല്. വീടിനോട് ചേര്ന്ന ഫാംഹൗസിലാണ് വസ്ത്ര നിര്മാണ ശാല സ്ഥിതിചെയ്യുന്നത്. ബുധനാഴ്ച രാത്രി 10 മണിയോടെ റഹ്മത്തും ബഷീറും രാഹുലിനെ കാണാനായി ഇവിടെയെത്തി.
ശമ്പളത്തിന്റെ കാര്യം പറഞ്ഞ് മാലയുമായി വാക്കുതര്ക്കത്തിലായി. തുടര്ന്ന് മൂന്ന് പേരും ചേര്ന്ന് കത്തി ഉപയോഗിച്ച് ഇവരെ ആക്രമിക്കുകയായിരുന്നു. ഇത് കണ്ടെത്തിയ ബഹദൂര് ഒച്ചവെച്ചതോടെ ഇയാളെയും കുത്തുകയായിരുന്നു. മാലയുടെ ഹോണ്ട സിറ്റിയും എടുത്താണ് മൂന്നുപേരും കടന്നത്. തുടര്ന്ന് വെളുപ്പിന് 1.30 ന് എത്തിയ മൂന്നുപേരും വസന്ത് കുഞ്ചിലെ പൊലീസ് സ്റ്റേഷനില് കീഴടങ്ങുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
