റായ്പൂര്‍: ഛത്തീസ്ഗഡിലെ ബീജാപൂരില്‍ മാവോയിസ്റ്റുകള്‍ നടത്തിയ കുഴിബോംബ് സ്‌ഫോടനത്തില്‍ ആറ് സൈനികര്‍ക്ക് പരിക്കേറ്റു. രാവിലെ പട്രോളിങിനിറങ്ങിയ ബിഎസ്എഫ് ജവാന്‍മാര്‍ക്ക് നേരെയാണ് ആക്രമണം ഉണ്ടായത്. പരിക്കേറ്റ ആറുപേരെയും ബീജാപൂരിലെ ആശുപത്രിയില്‍ പ്രവേശിപ്പിച്ചു. ഇവരില്‍ രണ്ട് പേരുടെ നില ഗുരുതരമാണ്.
ഒന്നാംഘട്ട വോട്ടെടുപ്പ് പൂര്‍ത്തിയായ മണ്ഡലമാണ് ബീജാപ്പൂര്‍. സൈനിക വാഹനത്തിന് നേരെ ബോംബേറ് നടത്തുകയായിരുന്നുവെന്ന് പൊലീസ് അറിയിച്ചു.
തിങ്കളാഴ്ച മാവോയിസ്റ്റുകളുമായുണ്ടായ ഏറ്റുമുട്ടലില്‍ രണ്ട് കമാന്‍ഡോകള്‍ക്ക് പരിക്കേറ്റിരുന്നു. ഈ മാസം 20 നാണ് ഛത്തീസ് ഗഡിലെ രണ്ടാംഘട്ട തിരഞ്ഞെടുപ്പ് നടക്കുന്നത്. ഡിസംബര്‍ 11 നാണ് വോട്ടെണ്ണല്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
