ന്യൂഡല്‍ഹി: ബിജെപിയുടെ ഇരട്ടത്താപ്പിനെതിരേ ആള്‍ ഇന്ത്യ മജ്‌ലിസ് ഇത്തിഹാദുല്‍ മുസ്ലിമീന്‍ (എഐഎംഐഎം) മുഖ്യന്‍ അസദുദ്ധീന്‍ ഉവൈസി. ഗുജറാത്ത്, ഉത്തര്‍ പ്രദേശ് എന്നീ സംസ്ഥാനങ്ങളില്‍ ഗോവധ നിരോധനവുമായി ബന്ധപ്പെട്ട് ബിജെപി എടുക്കുന്ന നിലപാടുകള്‍ക്കെതിരേയാണ് ഉവൈസി പ്രതികരിച്ചത്. ഉത്തര്‍ പ്രദേശില്‍ പശു അമ്മയായും നോര്‍ത്ത് ഈസ്റ്റില്‍ ഇത് രുചികരമായ ഭക്ഷണമാണെന്നുള്ള ബിജെപിയുടെ ഇരട്ടത്താപ്പിനെതിരേ വൈസി പ്രതികരിച്ചു.
മണിപ്പൂര്‍ തെരഞ്ഞെടുപ്പുമായി ബന്ധപ്പെട്ട് ബിജെപി ആശയക്കുഴപ്പത്തിലാണ്. കാരണം, ഈ സംസ്ഥാനത്ത് കൂടുതലായും ക്രിസ്ത്യന്‍ മതവിഭാഗക്കാരും ഇവരുടെ ഭക്ഷണരീതികളില്‍ ബീഫിന് നിര്‍ണായക സ്ഥാനവുമുണ്ട്. ഇവിടെ തെരഞ്ഞെടുപ്പില്‍ ജയിക്കണമെങ്കില്‍ ഏതെങ്കിലും പ്രാദേശിക പാര്‍ട്ടിയുമായി ബിജെപിക്ക് സഖ്യമുണ്ടാക്കേണ്ടി വരും. എന്നാല്‍ ഈ രീതിയിലുള്ള സംസ്‌കാരവുമായി ബിജെപി എങ്ങനെ പൊരുത്തപ്പെടുമെന്നതാണ് കാണേണ്ടത്. ഉവൈസി വ്യക്തമാക്കി.
നോര്‍ത്ത് ഈസ്റ്റ് സംസ്ഥാനങ്ങളായ മേഘാലയ, മിസോറാം, നാഗാലാന്റ്, മണിപ്പൂര്‍ എന്നീ സംസ്ഥാനങ്ങളില്‍ അടുത്ത വര്‍ഷം തെരഞ്ഞെടുപ്പ് നടക്കും. ഇത് മുന്നില്‍ കണ്ട് യുപിയില്‍ നടപ്പാക്കിയ ഗോവധ നിരോധനം നോര്‍ത്ത് ഈസ്റ്റ് സംസ്ഥാനങ്ങളില്‍ നടപ്പാക്കുകയില്ലെന്ന് ബിജെപി പ്രഖ്യാപിച്ചിരുന്നു.
ഉത്തര്‍ പ്രദേശില്‍ ആദിത്യനാഥ് അധികാരമേറ്റ ശേഷം നിരവധി പശുവിറച്ചി വില്‍പ്പന കേന്ദ്രങ്ങള്‍ അടച്ചു പൂട്ടിയിരുന്നു. അതേസമയം, ഗുജറാത്തില്‍ ഗോവധം നടത്തുന്നവര്‍ക്ക് ജീവപര്യന്തം ശിക്ഷനല്‍കാനുള്ള ഭേദഗതി ബില്‍ ഗുജറാത്ത് സര്‍ക്കാര്‍ പാസാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
