ലഖ്‌നൗ: ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെ മോശമായി ചിത്രീകരിച്ച് ഫേസ്ബുക്ക് പോസ്റ്റിട്ട യുവതിക്കെതിരെ പൊലീസ് ക്രിമിനല്‍ കേസെടുത്തു. ബിജെപി യുവമോര്‍ച്ച പ്രവര്‍ത്തകരുടെ പരാതിയുടെ പേരിലാണ് കര്‍ണാടക പൊലീസ് യുവതിക്കെതിരെ എഫ്‌ഐആര്‍ ഫയല്‍ ചെയ്തിരിക്കുന്നത്.
പ്രഭാ എന്‍ ബെലവംഗാല എന്ന ബംഗലൂരു സ്വദേശിനി തന്റെ ഫേസ്ബുക്ക് പേജില്‍ യോഗി ആദിത്യനാഥിന്റെ ഫോട്ടോ മോര്‍ഫ് ചെയ്തിട്ടിരിക്കുന്നു എന്നാണ് പരാതി. മതസ്പര്‍ദ്ധ സൃഷ്ടിക്കാന്‍ ശ്രമിച്ചെന്നുള്‍പ്പെടെ ആരോപിച്ച് ഐപിസി സെക്ഷന്‍ 67, 153A,292A,499,500,505 എന്നീ വകുപ്പുകള്‍ ചുമത്തിയാണ് യുവതിക്കെതിരെ എഫ്‌ഐആര്‍ രജിസ്റ്റര്‍ ചെയ്തിരിക്കുന്നത്.
ആരോപണവിധേയയായ യുവതി ഇതിന് മുന്‍പും സമൂഹത്തില്‍ സംഘര്‍ഷം സൃഷ്ടിക്കുന്ന രീതിയില്‍ പ്രവര്‍ത്തിച്ചിട്ടുണ്ടെന്നുമാണ് ബിജെപിയുടെ ആരോപണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
