രാജസ്ഥാനില്‍ മിഗ്- 27 വിമാനം തകര്‍ന്നുവീണു, പൈലറ്റ് രക്ഷപ്പെട്ടു

ജയ്പുര്‍: വ്യോമസേനയുടെ മിഗ്-27 വിമാനം തകര്‍ന്നുവീണു. പൈലറ്റ് രക്ഷപ്പെട്ടു. രാജസ്ഥാനിലെ ജയ്‌സാല്‍മറില്‍ പൊഖ്‌റാന് സമീപമാണ് സംഭവം. 

പരീക്ഷണദൗത്യത്തിനിടെ ഇന്ന് വൈകീട്ട് ആറുമണിയോടെ വിമാനം തകര്‍ന്നുവീഴുകയായിരുന്നു. തക്കസമയത്ത് സുരക്ഷാ സംവിധാനം പ്രയോജനപ്പെടുത്തിയതു മൂലം പൈലറ്റ് രക്ഷപ്പെടുകയായിരുന്നു. അപകടത്തിന്റെ കാരണം വ്യക്തമായിട്ടില്ല. ഇത് കണ്ടെത്താന്‍ വ്യോമസേന അന്വേഷണത്തിന് ഉത്തരവിട്ടു.