രാവിലെ യെദ്യൂരപ്പയ്ക്കൊപ്പം,വൈകീട്ട് കോണ്ഗ്രസ് ക്യാമ്പില്; സ്വതന്ത്രന്റെ മലക്കം മറിച്ചലില് അമ്പരന്ന് ബിജെപി
ബംഗലൂരു: കോണ്ഗ്രസ്- ജെഡിഎസ് സഖ്യത്തില് വിളളല് വീഴ്ത്തി അധികാരം നിലനിര്ത്താമെന്ന് സ്വപ്നം കാണുന്ന ബിജെപിയ്ക്ക് സ്വതന്ത്രന്റെ മലക്കം മറിച്ചലില് അമ്പരപ്പ്. കര്ണാടക തെരഞ്ഞെടുപ്പില് ആര്ക്കും ഭൂരിപക്ഷം ഇല്ലാത്ത സാഹചര്യത്തില് എംഎല്എമാരായ സ്വതന്ത്രര്ക്ക് വലിയ പ്രസക്തിയാണ് കൈവന്നിരിക്കുന്നത്. ആര് ശങ്കറും, നാഗേഷുമാണ് സ്വതന്ത്ര സ്ഥാനാര്ത്ഥിയായി മത്സരിച്ച് വിജയിച്ചത്. ഇതില് ആര് ശങ്കറിന്റെ നിലപാടാണ് ബിജെപിയെ ഒരേ പോലെ അമ്പരിപ്പിക്കുന്നത് ആശങ്കപ്പെടുത്തുന്നതും.
ബിഎസ് യെദ്യൂരപ്പയെ നിയമസഭാ കക്ഷി നേതാവായി തെരഞ്ഞെടുക്കാന് ബുധനാഴ്ച രാവിലെ ചേര്ന്ന ബിജെപി യോഗത്തില് ആര് ശങ്കര് പങ്കെടുത്തിരുന്നു. ബിജെപി പിന്തുണ അറിയിച്ചുകൊണ്ടായിരുന്നു അദ്ദേഹത്തിന്റെ സാന്നിധ്യം. എന്നാല് വൈകീട്ട് കോണ്ഗ്രസ് ക്യാമ്പിലും അദ്ദേഹം പ്രത്യക്ഷപ്പെട്ടതാണ് ബിജെപിയുടെ നെഞ്ചിടിപ്പ് വര്ധിപ്പിച്ചത്.
രാവിലെ, ശങ്കര് ബിജെപിയില് ചേര്ന്നതായി യെദ്യൂരപ്പ മാധ്യമങ്ങളെ അറിയിച്ചിരുന്നു. വൈകീട്ടോടെ മലക്കം മറിഞ്ഞ ശങ്കര് കോണ്ഗ്രസിനോടുളള കൂറ് പ്രഖ്യാപിക്കുകയായിരുന്നു.
റാണെബെന്നൂര് മണ്ഡലത്തില് മുന് സ്പീക്കറും മുതിര്ന്ന കോണ്ഗ്രസ് നേതാവുമായ കെ ബി കോളിവാദിനെ പരാജയപ്പെടുത്തിയാണ് ശങ്കര് വിജയിച്ചത്. മുന് മുഖ്യമന്ത്രി സിദ്ധരാമയ്യയുടെ അടുത്ത അനുയായിയായ ശങ്കര് പാര്ട്ടി ടിക്കറ്റ് ലഭിക്കാതിരുന്നതിനെ തുടര്ന്ന് സ്വതന്ത്രനായി മത്സരിക്കാന് തീരുമാനിക്കുകയായിരുന്നു.തെരഞ്ഞെടുപ്പിന് തൊട്ടുമുന്പ് കോണ്ഗ്രസുമായി അകന്ന ശങ്കറിനെ തങ്ങളുടെ പാളയത്തില് എത്തിക്കാന് ബിജെപി ശ്രമിച്ചു പരാജയപ്പെട്ടിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
