കൊല്ക്കത്ത: ജവഹര്ലാല് നെഹ്റു സര്വകലാശാലാ മുന് ചെയര്മാന് കനയ്യ കുമാറിനു നേരെ വീണ്ടും ആക്രമണം. എഐവൈഎഫ്എഐഎസ്എഫ് ലോംഗ് മാര്ച്ചിനിടെ പശ്ചിമ ബംഗാളിലെ മിഡ്നാപ്പുരില് വച്ചാണ് കനയ്യക്കു നേരെ ആക്രമണമുണ്ടായത്. കനയ്യക്കും കൂട്ടര്ക്കുമെതിരെ ബിജെപി പ്രവര്ത്തകര് ചീമുട്ടയെറിയുകയായിരുന്നു.
ഐഎസ് ഏജന്റ്, രാജ്യദ്രോഹി എന്നീ മുദ്രാവാക്യങ്ങള് മുഴക്കി നൂറിലേറെ വരുന്ന ബിജെപി പ്രവര്ത്തകരുടെ സംഘം കനയ്യയെ ആക്രമിക്കുകായിരുന്നുവെന്നാണ് റിപ്പോര്ട്ട്. കനയ്യയോട് പാക്കിസ്ഥാനിലേക്ക് പോകാന് ബിജെപി പ്രവര്ത്തകര് ആക്രോശിച്ചു. ലോംഗ് മാര്ച്ച് മിഡ്നാപൂരില് പ്രവേശിച്ചതിനു പിന്നാലെയായിരുന്നു ആക്രമണം.
ജാഥയിലുണ്ടായിരുന്ന എഐഎസ്എഫ്- എഐഎസ്എഫ് പ്രവര്ത്തകര് തിരിച്ച് മുദ്രാവാക്യം വിളിക്കാന് തുടങ്ങിയതോടെ സംഘര്ഷം അതിരിവിട്ടേക്കുമെന്ന അവസ്ഥയിലെത്തി. എന്നാല് പൊലീസ് ബാരിക്കേഡുകള് തീര്ത്ത് സ്ഥലത്തെ സംഘര്ഷത്തിന് അയവു വരുത്തി. 19 ബിജെപി പ്രവര്ത്തകരെ സംഭവസ്ഥലത്തു നിന്ന് പൊലീസ് കസ്റ്റഡിയിലെടുത്തു.
ലോഗ് മാര്ച്ചിനു നേരെ രാജ്യത്തെ മറ്റ് ചിലയിടങ്ങളിലും ആക്രമണങ്ങള് നടന്നിരുന്നു. കന്യാകുമാരിയില് നിന്ന് ആരംഭിക്കുന്നതിനു മുന്പു തന്നെ, ഉത്തരേന്ത്യന് സംസ്ഥാനങ്ങളിലേക്ക് ജാഥ പ്രവേശിക്കാന് അനുവദിക്കില്ലെന്ന് ആര്എസ്എസ് പ്രവര്ത്തകര് ഭീഷണി മുഴക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
