വിവാഹത്തിന് ദിവസങ്ങള്‍ മാത്രം ശേഷിക്കെ പ്രതിശ്രുത വരന്‍ കൊല്ലപ്പെട്ട നിലയിൽ; ദൃശ്യങ്ങള്‍ പകര്‍ത്തി പ്രതി

 
മുസഫര്‍നഗര്‍: വിവാഹത്തിന് ഏതാനും ദിവസങ്ങൾ മാത്രം ശേഷിക്കെ പ്രതിശ്രുത വരനെ ക്രൂരമായി കൊലചെയ്യപ്പെട്ട നിലയില്‍ കണ്ടെത്തി. ഉത്തര്‍പ്രദേശിലെ മുസഫര്‍നഗറിലാണ് സംഭവം. ചാപ്പര്‍ ഗ്രാമത്തില്‍ നിന്നുള്ള രാജീവിന്റെ (25)ന്റെ മൃതദേഹമാണ് കണ്ടെത്തിയത്.

ചുറ്റികകൊണ്ട് തലയ്ക്ക് അടിയേറ്റ് ക്രൂരമായി കൊലചെയ്യപ്പെട്ട നിലയിലായിരുന്നു മൃതദേഹം. അടുത്തുള്ള പാടത്തില്‍ നിന്നും കണ്ടെത്തിയ മൃതദേഹത്തില്‍ നിരവധി മുറിവുകളും ഉണ്ടായിരുന്നു. നവംബര്‍ 19ന് രാജീവിന്റെ വിവാഹം നടക്കാനിരിക്കെയാണ് മരണം.

ഒക്ടോബര്‍ 29 മുതലാണ് രാജീവിനെ കാണാതായത്. ആര്യകാന്ത് എന്നയാളാണ് കൊലയ്ക്ക് പിന്നിലെന്നാണ് റിപ്പോർട്ട്. കൊലപാതകത്തിന്റെ ദൃശ്യങ്ങള്‍ അക്രമി നാല് വീഡിയോ ക്ലിപ്പുകളിലായി പകര്‍ത്തിയിട്ടുണ്ടെന്ന് പൊലീസ് പറഞ്ഞു. കൊലപാതകത്തിന്റെ കാരണം വ്യക്തമല്ല. പ്രതിക്കായി തെരച്ചില്‍ ആരംഭിച്ചു.