ലഖ്‌നൗ: കോവിഡ് വ്യാപനം തടയുന്നതിന് സാമൂഹ്യ അകലം ഉറപ്പാക്കാന്‍ കര്‍ശന നടപടികളാണ് അധികൃതര്‍ സ്വീകരിച്ചുവരുന്നത്. ഓരോ ദിവസം കഴിയുന്തോറും നിയന്ത്രണങ്ങള്‍ കൂടുതല്‍ കര്‍ശനമായി കൊണ്ടിരിക്കുകയാണ്. സാമൂഹ്യ അകലത്തിന്റെ പ്രാധാന്യം ഏറെ ഗൗരവമായി കണ്ട് മരത്തിന്റെ മുകളില്‍ കുടില്‍ കെട്ടി താമസിക്കുന്ന ഉത്തര്‍പ്രദേശ് സ്വദേശിയാണ് ഇപ്പോള്‍ വാര്‍ത്തകളില്‍ നിറയുന്നത്.
ഉത്തര്‍പ്രദേശിലെ അസോധ ഗ്രാമത്തിലെ മുകുള്‍ ത്യാഗിയാണ് മരത്തിന്റെ മുകളില്‍ താമസം ആരംഭിച്ചത്. ഉണങ്ങിയ മരക്കൊമ്പുകള്‍ കൊണ്ടാണ് കുടില്‍ കെട്ടിയത്. രാജ്യം മുഴുവന്‍ കോവിഡ് ബാധിച്ചവരുടെ എണ്ണം വര്‍ധിച്ചുവരികയാണ്. സാമൂഹ്യ അകലമാണ് ഇതിന് ഒരു പോംവഴിയെന്ന് മുകുള്‍ ത്യാഗി പറയുന്നു. ഏകാന്തവാസം ഉറപ്പുവരുത്താനാണ് മരത്തില്‍ കുടില്‍ കെട്ടിയതെന്നും അദ്ദേഹം പറഞ്ഞു.
മകന്റെ സഹായത്തോടൊണ് കുടില്‍ കെട്ടിയത്. മരത്തിന്റെ കൊമ്പുകള്‍ കെട്ടിയായിരുന്നു കുടില്‍ നിര്‍മ്മാണം. അച്ഛനാണ് ഈ ആശയം മുന്നോട്ടുവെച്ചതെന്ന് മുകുല്‍ ത്യാഗി പറയുന്നു. പ്രകൃതിയോട് ചേര്‍ന്ന് ജീവിക്കുന്ന ഒരു അനുഭവമാണ് മനസ്സിലെന്ന് അദ്ദേഹം പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
