മുംബൈ: മഹാരാഷ്ട്ര മുഖ്യമന്ത്രി ഉദ്ധവ് താക്കറെയുടെ മകനും സംസ്ഥാനത്തെ ടൂറിസം മന്ത്രിയുമായ ആദിത്യ താക്കറെയുടെ ചിത്രം പതിച്ച് സാനിറ്ററി നാപ്കിന്‍ പാക്കറ്റുകള്‍ വിതരണം ചെയ്തതായി ആരോപണം. മഹാരാഷ്ട്ര നവ നിര്‍മാണ്‍ സേന നേതാവ് സന്ദീപ് ദേശ്പാണ്ഡെയാണ് ആരോപണവുമായി രംഗത്തെത്തിയത്.
500ഓളം സാനിറ്ററി പാഡുകളുടെ പായ്ക്കറ്റുകള്‍ ഇത്തരത്തില്‍ വിതരണം ചെയ്തതായി സന്ദീപ് ആരോപിച്ചു. ട്വിറ്ററിലിട്ട കുറിപ്പിലൂടെയാണ് ഇയാള്‍ ആരോപണം ഉന്നയിച്ചത്. ആദിത്യ താക്കറെയുടെ ചിത്രങ്ങള്‍ പതിച്ച നാപ്കിന്‍ പാക്കറ്റുകളുടെ ചിത്രങ്ങളും കുറിപ്പിനൊപ്പമുണ്ട്.
കൊളാബ നിയോജക മണ്ഡലത്തിലാണ് ഈ നാപ്കിന്‍ പായ്ക്കറ്റുകള്‍ വിതരണം ചെയ്തിരിക്കുന്നത്. ശിവസേനയുടെ യുവ സംഘടനയായ യുവതി- യുവ സേനയുടെ നേതൃത്വത്തിലായിരുന്നു നാപ്കിനുകള്‍ വിതരണം ചെയ്തതെന്നും സന്ദീപ് ആരോപിച്ചു.
രാജ്യത്ത് ഏറ്റവും കൂടുതല്‍ കോവിഡ് ബാധിതരുള്ളത് മഹാരാഷ്ട്രയിലാണ്. പലയിടങ്ങളിലും ലോക്ക്ഡൗണ്‍ കര്‍ശനമായി തുടരുന്നതിനാല്‍ സാനിറ്ററി നാപ്കിനുകള്‍ക്ക് വലിയ ക്ഷാമം നേരിടുന്നുണ്ട്. ഇതോടെയാണ് യുവ സേന നാപ്കിന്‍ വിതരണവുമായി രംഗത്തെത്തിയത്. ഇതാണ് ഇപ്പോള്‍ വിവാദമായി മാറിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
