റായ്പൂര്‍ : ഛത്തീസഗഡിലെ നാരായണ്‍പൂറില്‍ സുരക്ഷാസേനയുമായി ഉണ്ടായ ഏറ്റമുട്ടലില്‍ നാല് നക്‌സലുകള്‍ കൊല്ലപ്പെട്ടതായി പൊലീസ്. ഞായറാഴ്ച പുലര്‍ച്ചെ രണ്ട് മണിയോടെയാണ് കക്രജാര്‍ പൊലീസ് സ്റ്റേഷന്‍ പരിധിയില്‍ വച്ച് നക്‌സലുകളെ കണ്ടെത്തിയതെന്നും പട്രോളിങ്ങിനെത്തിയവര്‍ക്ക് നേരെ വെടിയുതിര്‍ത്തതിനെ തുടര്‍ന്നാണ് ആക്രമണമെന്നുമാണ് പൊലീസ് പറയുന്നത്.
കൊല്ലപ്പെട്ടവരില്‍ നിന്നും ജാഹ്‌റ കമാന്‍ഡറായിരുന്ന റാട്ടി, നെല്‍നാര്‍ ഏരിയ കമ്മിറ്റിയംഗമായിരുന്ന സോംലു എന്നിവരെ തിരിച്ചറിഞ്ഞിട്ടുണ്ട്. ഇവരെ കണ്ടെത്താന്‍ സഹായിക്കുന്നവര്‍ക്ക് 5 ലക്ഷം രൂപ പാരിതോഷികം നല്‍കുമെന്ന് നേരത്തെ പ്രഖ്യാപിച്ചിരുന്നതാണെന്നും പൊലീസ് പറഞ്ഞു.
മരിച്ചവരില്‍ ഒരു സ്ത്രീയും ഉണ്ട്. മൃതദേഹങ്ങള്‍ക്ക് സമീപം നിന്നും ഇന്‍സാസ് റൈഫിളും, ഒരു 303 റൈഫിളും രണ്ട് നാടന്‍തോക്കുകളും പൊലീസ് കണ്ടെടുത്തു. നക്‌സലുകളെ കണ്ടെത്തിയ സ്ഥലത്ത് തിരച്ചില്‍ തുടരുകയാണെന്ന് ജില്ലാ റിസര്‍വ് ഫോഴ്‌സ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
