ന്യൂഡൽഹി: പ്രധാനമന്ത്രി മോദി ഹിറ്റ്ലറെയും മുസോളിനിയെയും പോലെയാണെന്ന് മുതിർന്ന കോൺഗ്രസ് നേതാവ് ദിഗ് വിജയ് സിങ്. ഏകാധിപതികളായ ഇത്തരം നേതാക്കളെ ലോകത്തിന് ആവശ്യമില്ല. സ്നേഹത്തിന്റെയും സമാധാനത്തിന്റെയും സന്ദേശം നൽകുന്ന നേതാക്കളെയാണ് ജനങ്ങൾ സ്വീകരിക്കുകയെന്നും അദ്ദേഹം പറഞ്ഞു.
ഗാന്ധിയും മാർട്ടിൻ ലൂഥർ കിങും അത്തരം നേതാക്കളായിരുന്നുവെന്നും രാഹുലിന്റെ ട്വീറ്റ് പങ്ക് വച്ച് ദിഗ് വിജയ് സിങ് പറഞ്ഞു. ന്യൂസിലൻഡിൽ നടന്ന ഭീകരാക്രമണത്തെ അപലപിച്ച് കോൺഗ്രസ് അധ്യക്ഷനിട്ട ട്വിറ്റർ സന്ദേശമാണ് രാഹുൽ ഗാന്ധി പോസ്റ്റ് ചെയ്തിരുന്നത്. രാഹുലിന്റെ അഭിപ്രായത്തോട് യോജിക്കുന്നുവെന്നും അദ്ദേഹം കുറിച്ചിരുന്നു.
ന്യൂസിലൻഡിൽ നടന്ന ആക്രമണം അപലപിക്കപ്പെടേണ്ടതാണ്. ലോകത്ത് സ്നേഹവും മനസിലാക്കലുകളും ചേർത്ത് പിടിക്കലുമാണ് നിറയേണ്ടതെന്നും ഇത്തരം വിദ്വേഷവും വംശീയതയുമല്ലെന്നുമായിരുന്നു കോൺഗ്രസ് അധ്യക്ഷന്റെ ട്വീറ്റ്. അപകടത്തിൽ കൊല്ലപ്പെട്ടവരുടെയും പരിക്കേറ്റവരുടെയും കുടുംബാംഗങ്ങൾക്കൊപ്പമാണ് തന്റെ മനസെന്നും രാഹുൽ വ്യക്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
