തൃശൂർ; തൃശ്ശൂർ ദേശീയപാതയിൽ വാഹനങ്ങൾ കൂട്ടിയിടിച്ച് അപകടം. മഹാരാഷ്ട്ര രജിസ്ട്രേഷനിലുള്ള ട്രക്ക് ആണ് അപകടം ഉണ്ടാക്കിയത്. ദേശീയപാതയിലെ ആമ്പല്ലൂര് സിഗ്നല് ജംഗ്ഷനില് കാത്തുകിടന്ന കെഎസ്ആര്ടിസി ബസ് ഉള്പ്പെടെയുള്ള ആറ് വാഹനങ്ങളിലേക്ക് നിയന്ത്രണംവിട്ട ട്രക്ക് പാഞ്ഞുകയറുകയായിരുന്നു. ഇന്നു പുലര്ച്ചെ ഒരുമണിയോടെയായിരുന്നു അപകടമുണ്ടായത്.
ആദ്യം കെഎസ്ആർടിസി ബസിലാണ് ട്രക്ക് ഇടിച്ചത്. പിന്നീട് മുന്നിലുള്ള വണ്ടികൾ കൂട്ടിയിടിക്കുകയായിരുന്നു. ഇടിയുടെ അഘാതത്തില് കെഎസ്ആര്ടിസി ബസ് ഡിവൈഡറിലേക്ക് ഇടിച്ചുകയറി. ഒരുകാര് പൂര്ണ്ണമായും തകര്ന്നു. എന്നാൽ തകര്ന്ന കാറിലെ യാത്രക്കാരന് അത്ഭുതകരമായി രക്ഷപ്പെട്ടു.
വാഹനങ്ങൾക്ക് സാരമായ കേടുപാടുകൾ സംഭവിച്ചിട്ടുണ്ട്. രണ്ട് കാറുകൾ പൂർണമായും തകർന്നു. എന്നാൽ ആർക്കും പരിക്കില്ല. തൃശൂര് ഭാഗത്തേക്ക് പോകാനായി സിഗ്നലില് കാത്തുകിടന്ന വാഹനങ്ങള്ക്കു പിറകിലാണ് ട്രക്ക് വന്നിടിച്ചത്. ട്രക്ക് ഡ്രൈവർ ഉറങ്ങിയതാണ് അപകട കാരണം എന്നാണ് നിഗമനം.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
