വിദേശയാത്രയ്ക്ക് അനുമതിയില്ല; എകെജി സെന്റർ ബോംബ് ആക്രമണക്കേസ്‌ പ്രതിയുടെ ഹർജി തള്ളി

തിരുവനന്തപുരം: വിദേശയാത്രയ്ക്ക് അനുമതി തേടി എകെജി സെന്റർ ബോംബ് ആക്രമണക്കേസ്‌ ( AKG Centre Attack Case ) പ്രതി സുഹൈൽ ഷാജഹാൻ ( Suhail Shajahan ) നൽകിയ ഹർജി കോടതി തള്ളി. തിരുവനന്തപുരം മൂന്നാം മജിസ്‌ട്രേട്ട് കോടതിയാണ് ഹർജി തള്ളിയത്. വിദേശത്തേക്കു പോകാൻ അനുമതി നൽകണം എന്നും പാസ്പോർട്ട്‌ വിട്ടു നൽകണം എന്നും ആവശ്യപ്പെട്ടാണ് സുഹൈൽ കോടതിയെ സമീപിച്ചത്.

കേരളത്തില്‍ എയിംസ് പ്രഖ്യാപിച്ച്, തറക്കല്ല് പാകിയിട്ടേ അടുത്ത തെരഞ്ഞെടുപ്പില്‍ വോട്ട് ചോദിക്കാന്‍ വരൂ: സുരേഷ് ഗോപി

ബിസിനസ് നോക്കാനും ബന്ധുക്കളെ കാണാനുമായി വിദേശയാത്രയ്ക്ക് അനുമതി വേണമെന്നാണ് സുഹൈൽ ഷാജഹാൻ ആവശ്യപ്പെട്ടത്. എന്നാൽ പ്രോസിക്യൂഷൻ ഈ ആവശ്യത്തെ ശക്തമായി എതിർത്തു. സുഹൈൽ ആണ് മറ്റു പ്രതികളെ കൊണ്ട് കുറ്റം ചെയ്യിച്ചതെന്നും പ്രോസിക്യൂഷൻ വ്യക്തമാക്കി.

സേവനത്തിൽ വീഴ്ച വരുത്തി, ജില്ലാ ഉപഭോക്തൃ ഫോറം പ്രസിഡന്റിനെതിരെ അന്വേഷണത്തിന് സംസ്ഥാന ഉപഭോക്തൃ കമ്മീഷൻ ഉത്തരവ്

സംഭവത്തിനു ശേഷം വിദേശത്തേക്കു കടന്ന പ്രതി പിന്നീട് ഡൽഹി വഴി നേപ്പാളിൽ പോകാൻ ശ്രമിക്കുന്നതിനിടെയാണ് പിടിയിലായതെന്നും പ്രോസിക്യൂഷൻ ചൂണ്ടിക്കാട്ടി. സുഹൈൽ ഷാജഹാന് ഹൈക്കോടതി ജാമ്യം നൽകിയപ്പോൾ പാസ്പോർട്ട്‌ കോടതിയിൽ ഹാജരാക്കാൻ ഉത്തരവ് നൽകിയിരുന്നു.