രണ്ട് വള്ളങ്ങൾ കൂട്ടിക്കെട്ടി വിവാഹവേ​ദി, ഭാരം താങ്ങാതെ വള്ളം മറിഞ്ഞ് വധുവരന്മാരും ബന്ധുക്കളും വെള്ളത്തിലായി

കോട്ടയം: വിവാഹത്തിന് ഇടയിൽ വള്ളം മറിഞ്ഞ് വരനും വധുവും ബന്ധുക്കളും ഉൾപ്പെടെ നിരവധി പേർ വെള്ളത്തിൽ വീണു. നഗരത്തിലെ പ്രമുഖ ഹോട്ടലിൽ നടന്ന വിവാഹാഘോഷത്തിന് ഇടയിലാണ് സംഭവം.

ചൊവ്വാഴ്ചയായിരുന്നു വിവാഹം. ‌രണ്ടുവള്ളങ്ങൾ കൂട്ടിക്കെട്ടിയാണ് വെള്ളത്തിൽ കല്യാണമണ്ഡപം ഒരുക്കിയത്. എന്നാൽ നാൽപ്പതിൽ കൂടുതൽ ആളുകൾ കയറിയതോടെ ഭാരം താങ്ങാനാവാതെ വള്ളം മുങ്ങി. ആളുകളുടെ ഫോണുകളും ബാഗുകളും വെള്ളത്തിൽ വീണു. ആരും പോലീസിൽ പരാതിപ്പെടാതിരുന്നതിനാൽ അപകടം പുറംലോകമറിഞ്ഞില്ല. 

ഹോ‍ട്ടലിൽ നിന്ന് കൊടൂരാറ്റിലേക്കുള്ള കൈവഴിയിലായിരുന്നു സംഭവം. ഫോണും പണവും നഷ്ടപ്പെട്ടവർ ഹോട്ടൽ അധികൃതരുമായി വാക്കുതർക്കമുണ്ടായി. എന്നാൽ ആരും പരാതി നൽകാൻ തയ്യാറായില്ല.