തിരുവനന്തപുരം: വ്യക്തിഹത്യകള് ഒരു കാരണവശാലും അനുവദിക്കില്ലെന്ന് ആഭ്യന്തരമന്ത്രി രമേശ് ചെന്നിത്തല. അന്തരിച്ച മാധ്യമപ്രവര്ത്തകന് ജിജോ ജോണ് പുത്തേഴത്തിനും കുടുംബത്തിനുമെതിരായ സൈബര് ആക്രമണത്തിന്റെ പശ്ചാത്തലത്തിലാണ് ചെന്നിത്തലയുടെ പ്രതികരണം. ഒരു മാധ്യമപ്രവര്ത്തകന് മരിച്ചതിന് ശേഷം അയാള് ചെയ്ത വാര്ത്തകളുടെ പേരില് അദ്ദേഹത്തെയും ജീവിച്ചിരിക്കുന്ന കുടുംബാംഗങ്ങളെയും വേട്ടയാടുന്നത് മനുഷ്യത്വരഹിതമാണെന്ന് ചെന്നിത്തല ഫെയ്സ്ബുക്ക് കുറിപ്പില് പറഞ്ഞു.
ഒരു പരിഷ്കൃത സമൂഹത്തില് ഒരിക്കലും വച്ചുപൊറുപ്പിക്കാന് പാടില്ലാത്തതാണിത്. ഇതിനെതിരെ അതിശക്തമായ നടപടികള് കൈക്കൊള്ളാന് ഐജി സൈബര് വിഭാഗത്തിന് നിര്ദേശം നല്കിയിട്ടുണ്ട്. അദ്ദേഹത്തിനും കുടുംബത്തിനുമെതിരെ അപകീര്ത്തികരവും അധിക്ഷേപാര്ഹവുമായ പോസ്റ്റുകള് സാമൂഹ്യമാധ്യമങ്ങളില് പ്രചരിപ്പിച്ചവര്ക്കെതിരെ കര്ശന നിയമനടപടികളുണ്ടാകുമെന്നും ആഭ്യന്തരമന്ത്രി വ്യക്തമാക്കി.
ഫെയ്സ്ബുക്ക് കുറിപ്പിന്റെ പൂര്ണരൂപം:
അന്തരിച്ച മലയാള മനോരമാ ലേഖകന് ജിജോ ജോണ് പുത്തേഴത്തിനും കുടുംബത്തിനുമെതിരായ സൈബര് ആക്രമണം അതീവ നിന്ദ്യവും ക്രൂരവുമാണ്. ഒരു മാധ്യമപ്രവര്ത്തകന് മരിച്ചതിന് ശേഷം അയാള് ചെയ്ത വാര്ത്തകളുടെ പേരില് അദ്ദേഹത്തെയും ജീവിച്ചിരിക്കുന്ന കുടുംബാംഗങ്ങളെയും വേട്ടയാടുന്നത് മനുഷ്യത്വരഹിതമാണ്. ഒരു പരിഷ്കൃത സമൂഹത്തില് ഒരിക്കലും വച്ചുപൊറുപ്പിക്കാന് പാടില്ലാത്തതാണിത്.
ഇതിനെതിരെ അതിശക്തമായ നടപടികള് കൈക്കൊള്ളാന് ഐജി സൈബര് വിഭാഗത്തിന് നിര്ദേശം നല്കിയിട്ടുണ്ട്. അദ്ദേഹത്തിനും കുടുംബത്തിനുമെതിരെ അപകീര്ത്തികരവും അധിക്ഷേപാര്ഹവുമായ പോസ്റ്റുകള് സാമൂഹ്യമാധ്യമങ്ങളില് പ്രചരിപ്പിച്ചവര്ക്കെതിരെ കര്ശന നിയമനടപടികളുണ്ടാകും. ഇത്തരത്തിലുള്ള വ്യക്തിഹത്യകള് ഒരു കാരണവശാലും അനുവദിക്കില്ല
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
