പാര്ട്ടിനേതാക്കള് ജ്യോത്സ്യന്മാരെ കാണാന് പോകുന്നുവെന്ന വിവാദം; നിഷേധിച്ച് എം വി ഗോവിന്ദന്
കണ്ണൂര്: പാര്ട്ടി നേതാക്കള് ജ്യോത്സ്യന്മാരെ കാണാന് പോകുന്നുവെന്ന വിവാദത്തെ പൂര്ണമായും നിഷേധിച്ച് സിപിഐഎം സംസ്ഥാന സെക്രട്ടറി എം വി ഗോവിന്ദന്. നേതാക്കള് ജോത്സ്യന്മാരെ കാണാന് പോകുന്നുവെന്നതിനെ ചൊല്ലി സംസ്ഥാന സമിതിയില് വിമര്ശനം ഉയര്ന്നുവെന്ന വാര്ത്തയ്ക്ക് പിന്നാലെയാണ് എം വി ഗോവിന്ദന്റെ പ്രതികരണം.
സംസ്ഥാന സമിതിയില് ഒരു വിമര്ശനവും ഉണ്ടായിട്ടില്ലെന്നും സമൂഹമാധ്യമങ്ങളില് വന്നതൊന്നും ശരിയല്ലെന്നും ഗോവിന്ദന് പറഞ്ഞു. ഓരോ കാര്യങ്ങള് ഉണ്ടാക്കി അതിന് പ്രതികരണം ഉണ്ടാക്കേണ്ട എന്നും കണ്ണൂരില് മാധ്യമങ്ങളോട് ഗോവിന്ദന് വ്യക്തമാക്കി.
എം വി ഗോവിന്ദന് പ്രശസ്ത ജ്യോത്സ്യനെ സന്ദര്ശിച്ച ചിത്രം സമൂഹമാധ്യമത്തില് പ്രചരിച്ചിരുന്നു. ഇതിന് പിന്നാലെയാണ് വിവാദം ഉയര്ന്നത്. വിഷയം സംസ്ഥാന സമിതിയില് കണ്ണൂരില് നിന്നുള്ള ഒരു പ്രമുഖ നേതാവ് ഉന്നയിച്ചെന്നും എന്ത് രാഷ്ട്രീയ ബോധ്യത്തിന്റെ അടിസ്ഥാനത്തിലാണ് നേതാക്കള് ജ്യോത്സ്യന്മാരെ കാണാന് പോകുന്നതെന്ന് ചോദിച്ചതായും റിപ്പോര്ട്ടുകളുണ്ടായിരുന്നു.
CPI(M) state secretary M V Govindan has completely denied the controversy surrounding party leaders going to see astrologers
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
