സിപിഎം പാർട്ടി കോൺ​ഗ്രസ് അടുത്ത ഫെബ്രുവരിയിൽ; ബ്രാഞ്ച് സമ്മേളനത്തിന് ജൂലായിൽ തുടക്കം

ന്യൂ‍ഡൽഹി: സിപിഎം പാർട്ടി കോൺ​ഗ്രസ് അടുത്തവർഷം ഫെബ്രുവരിയിൽ. ബ്രാഞ്ച് സമ്മേളനങ്ങൾക്ക് ജൂലായ് ആദ്യ ആഴ്ച തുടക്കമാകുമെന്ന് പാർട്ടി കേന്ദ്രകമ്മറ്റി പ്രസ്താവനയിൽ വ്യക്തമാക്കി. പാർട്ടി കോൺ​ഗ്രസ് വേദി സംബന്ധിച്ച് തീരുമാനമായിട്ടില്ല. കഴിഞ്ഞ തവണത്തെ പാർട്ടി കോൺ​ഗ്രസ് ഹൈദരബാദിൽവച്ചായിരുന്നു.

23ാം പാർട്ടി കോൺ​ഗ്രസ് 2021 ഏപ്രിൽ നടത്താനായിരുന്നു നിശ്ചയിച്ചിരുന്നത്. എന്നാൽ കോവിഡ് വ്യാപനത്തിന്റെ പശ്ചാത്തലത്തിലാണ് മാറ്റിവച്ചത്. കേരളം, പശ്ചിമബം​ഗാൾ, തമിഴ്നാട്, ആസാം എന്നീ സംസ്ഥാനങ്ങളിൽ തെരഞ്ഞെടുപ്പ് അടുത്തതും സമ്മേളനം നീട്ടിവെക്കാൻ വെക്കാൻ കാരണമായി.