മുൻ മന്ത്രി വി എസ് ശിവകുമാറിന്  ഇ ‍ഡി നോട്ടീസ്; ചോദ്യം ചെയ്യലിന് ഹാജരാകണം 

കൊച്ചി: സാമ്പത്തിക ഇടപാടുകളും കള്ളപ്പണ ഇടപാടുകളും അന്വേഷിക്കുന്നതി​​ന്റെ ഭാഗമായി മുൻ മന്ത്രിയും കോൺഗ്രസ് നേതാവുമായ വി എസ് ശിവകുമാറിന് എൻഫോഴ്‌സ്‌മെന്റ് ഡയറക്ടറേറ്റ് (ഇ ‍ഡി) നോട്ടീസ് നൽകി. ശിവകുമാർ ആരോഗ്യമന്ത്രിയായിരുന്ന കാലത്ത് നടന്നുവെന്ന് ആരോപിക്കപ്പെടുന്ന ഇടപാടുകളാണ് അന്വേഷിക്കുന്നത്. ഈ മാസം 20-ന് ചോദ്യം ചെയ്യലിന് ഹാജരാകാനാണ് ശിവകുമാറിനോട് ആവശ്യപ്പെട്ടിരിക്കുന്നത്. പ്രൈവറ്റ് സെക്രട്ടറി ആയിരുന്ന വ്യക്തിക്കും ഹാജരാകാൻ നോട്ടീസ് നൽകിയിട്ടുണ്ട്. 

2016 മുതൽ 2021 വരെ ഉമ്മൻ ചാണ്ടി മന്ത്രിസഭയിൽ ആരോ​ഗ്യമന്ത്രിയായിരുന്നു ശിവകുമാർ. 2020ൽ ശിവകുമാറിന്റെ വീട്ടിലും ബിനാമികളെന്ന് കരുതപ്പെടുന്നവരുടെ വീടുകളിലും ഇ ഡി റെയ്ഡ് നടത്തിയിരുന്നു. കള്ളപ്പണ ഇടപാടുകളും അനധികൃത സ്വത്ത് സമ്പാദനവും നടന്നതായി വിജിലൻസും കണ്ടെത്തിയിരുന്നു. ശിവകുമാറിനെ ഒന്നാംപ്രതിയാക്കി തിരുവനന്തപുരം വിജിലൻസ് കോടതിയിൽ എഫ് ഐ ആർ രജിസ്റ്റർ ചെയ്യുകയും ചെയ്തു. ആസ്തികളിൽ വലിയ വ്യത്യാസം ഉണ്ട്, ബിനാമി ഇടപാടുകൾ നടന്നു, നഗരത്തിലെ ഒരു സ്വകാര്യ ആശുപത്രിയുടെ ഉടമസ്ഥാവകാശം അദ്ദേഹം ബിനാമിയായി സംഘടിപ്പിച്ചു തുടങ്ങിയ ആരോപണങ്ങളാണ് നേരിട്ടത്.

ഈ വാര്‍ത്ത കൂടി വായിക്കൂ 

ടിപ്പര്‍ ഇടിച്ച് കൊലക്കേസ് പ്രതി മരിച്ച സംഭവം;  കൊലപാതകമെന്ന് പൊലീസ്; പ്രതി കോടതിയില്‍ കീഴടങ്ങി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ