തമ്പാനൂരില്‍ ഹോട്ടലില്‍ തീപ്പിടിത്തം; താമസക്കാരെ പുറത്തെത്തിച്ചു; തീയണയ്ക്കാന്‍ ശ്രമം

തിരുവനന്തപുരം: തമ്പാനൂരിലെ ഹൈലാന്‍ഡ് ഹോട്ടലില്‍ തീപ്പിടിത്തം. ഹോട്ടലിന്റെ ആറാം നിലയിലാണ് തീ പടര്‍ന്നത്. അടുക്കള ഭാഗത്തുനിന്നാണ് തീ പടര്‍ന്നതെന്നാണ് പ്രാഥമിക വിവരം. തീ പടരുന്നത് ശ്രദ്ധയില്‍പ്പെട്ട ഉടനെ അധികൃതര്‍ അഗ്‌നിശമന സേനയെ വിവരം അറിയിക്കുകയും മൂന്ന് യൂണിറ്റ് ഫയര്‍ഫോഴ്‌സ് സ്ഥലത്തെത്തി തീയണയ്ക്കാനുള്ള ശ്രമങ്ങള്‍ ആരംഭിക്കുകയും ചെയ്തു.

ഹോട്ടലിലുണ്ടായിരുന്ന താമസക്കാരെ ഉദ്യോഗസ്ഥര്‍ സുരക്ഷിതമായി പുറത്തെത്തിച്ചു. സംഭവത്തില്‍ ആളപായമില്ലെന്നാണ് വിവരം. തീപ്പിടിത്തത്തിന്റെ കാരണം വ്യക്തമല്ല. തീ നിയന്ത്രണവിധേയമാക്കാനുള്ള ശ്രമങ്ങള്‍ തുടരുകയാണ്.

സ്മോക് അലാറം ഒന്നും അടിച്ചില്ലെന്നും ബഹളം കേട്ടാണു പുറത്തിറങ്ങിയതെന്നും ഹോട്ടലില്‍ താമസിച്ചിരുന്നവര്‍ പറഞ്ഞു. കിട്ടിയതെല്ലാം വാരിയെടുത്ത് ഓടുകയായിരുന്നുവെന്നും താമസക്കാര്‍ പറഞ്ഞു.