കട്ടിലിൽ ചാർജ്ജിനിട്ട മൊബൈൽ ഫോൺ ചൂടായി; തിരുവനന്തപുരത്ത് വീടിന്റെ ഒന്നാം നിലയ്ക്ക് തീപിടിച്ചു 

തിരുവനന്തപുരം: പേരൂർക്കടയ്ക്ക് സമീപം കുടപ്പനക്കുന്നിൽ വീടിന്റെ ഒന്നാം നിലയ്ക്ക് തീപിടിച്ചു. കട്ടിലിലെ മെത്തയിൽ ചാർജ്ജ് ചെയ്യാൻ വച്ചിരുന്ന മൊബൈൽ ഫോൺ അമിതമായി ചൂടായി മെത്തയ്ക്ക് തീപിടിച്ചതാകാം അപകടകാരണമെന്നാണ് പ്രാഥമിക നി​ഗമനം. ജയമോഹനൻ എന്നയാളുടെ വീട്ടിലാണ് തീപ്പിടിത്തം ഉണ്ടായത്.

ശനിയാഴ്ച രാവിലെ തീപിടിത്തമുണ്ടായ സമയത്ത് ജയമോഹനും വീട്ടുകാരും താഴത്തെ നിലയിലായിരുന്നു. മുകൾനിലയിലെ മുറിക്കകത്ത് പുക കണ്ട് അയൽവീട്ടുകാരാണ് വിവരമറിയിച്ചത്. ചെങ്കൽച്ചൂളയിൽ നിന്ന് അഗ്‌നിരക്ഷാസേനയെത്തിയാണ് തീയണച്ചത്.

ഈ വാർത്ത കൂടി വായിക്കൂ

അച്ഛനെയും അമ്മയെയും കുത്തിപ്പരിക്കേല്‍പ്പിച്ചു; മകന്‍ കസ്റ്റഡിയില്‍; വെടിയുതിര്‍ത്ത് പൊലീസ്

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ