ഗുരുവായൂര്‍: ക്ഷേത്രത്തില്‍ നിര്‍ത്തിവെച്ചിരുന്ന പ്രസാദ ഊട്ട് പുനരാരംഭിക്കാന്‍ ദേവസ്വം തീരുമാനം. വെള്ളിയാഴ്ച മുതല്‍ പ്രസാദ ഊട്ട് പാഴ്‌സലായി നല്‍കുന്നത് വീണ്ടും തുടങ്ങും. ഉച്ചഭക്ഷണവും അത്താഴവും പാഴ്‌സലായി നല്‍കും.
ഉച്ചഭക്ഷണം 1000 പാഴ്‌സലും രാത്രി ഭക്ഷണം ലഭ്യമായ നേദ്യം പാഴ്‌സലാക്കിയും നല്‍കാനാണ് അടിയന്തര ദേവസ്വം ഭരണസമിതി യോഗം തീരുമാനിച്ചത്.
ദേവസ്വം കമ്മീഷണര്‍ ബിജു പ്രഭാകറിന്റെ സാന്നിധ്യത്തില്‍ ചേര്‍ന്ന യോഗത്തില്‍ ഭരണ സമിതി അംഗങളായ മല്ലിശേരി പരമേശ്വരന്‍ നമ്പൂതിരിപ്പാട്, തന്ത്രി പി.സി.ദിനേശന്‍ നമ്പൂതിരിപ്പാട്, അഡ്വ. കെ.വി.മോഹനകൃഷ്ണന്‍, അഡ്മിനിസ്‌ട്രേറ്റര്‍ കെ.പി.വിനയന്‍ എന്നിവര്‍ പങ്കെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
