എടവനക്കാട് നാളെ ഹർത്താൽ; റൊണാള്‍ഡോയ്ക്ക് നിര്‍ഭാഗ്യ റെക്കോര്‍ഡ്: ഇന്നത്തെ അഞ്ച് പ്രധാന വാർത്തകൾ

സംസ്ഥാനത്ത് നാളെയും കനത്ത മഴ തുടരും. മൂന്ന് ജില്ലകളിൽ ഓറഞ്ച് അലർട്ടും 9 ജില്ലകളിൽ യെല്ലോ അലർട്ടും പ്രഖ്യാപിച്ചു. കടൽക്ഷോഭത്തെ തുടരർന്ന് എറണാകുളത്ത് വൈപ്പിൻ എടവനക്കാട് പഞ്ചായത്തിൽ നാളെ ഹർത്താൽ പ്രഖ്യാപിച്ചു.

വൈപ്പിൻ എടവനക്കാട് പഞ്ചായത്തിൽ നാളെ ഹർത്താൽ. തീരദേശ സംരക്ഷണ സമിതിയാണ് ഹർത്താലിന് ആഹ്വാനം നൽകിയത്. രാവിലെ 6 മുതൽ വൈകീട്ട് 6 വരെയാണ് ഹർത്താൽ. കടൽക്ഷോഭം രൂക്ഷമായിട്ടും നടപടിയെടുക്കാത്തതിൽ പ്രതിഷേധിച്ചാണ് ഹർത്താൽ.

ഫുട്‌ബോള്‍ കരിയറില്‍ അനുപമമായ ഒട്ടേറെ റെക്കോര്‍ഡുകള്‍ക്ക് ഉടമയാണ് പോര്‍ച്ചുഗല്‍ നായകനും സൂപ്പര്‍ താരവുമായി ക്രിസ്റ്റ്യാനോ റൊണാള്‍ഡോ. എന്നാല്‍ കഴിഞ്ഞ ദിവസം റൊണാള്‍ഡോ ഒരു നിര്‍ഭാഗ്യത്തിന്റെ റെക്കോര്‍ഡും കുറിച്ചു. കരിയറില്‍ ആദ്യമായി ഒരു അന്താരാഷ്ട്ര മത്സരത്തിന്റെ ഗ്രൂപ്പ് പോരാട്ടത്തില്‍ ഗോള്‍ നേടാന്‍ സാധിക്കാതെ ആദ്യമായി റൊണാള്‍ഡോ നിരാശനായി എന്നതാണ് ആ നിര്‍ഭാഗ്യ റെക്കോര്‍ഡ്.

ടൂറിസ്റ്റ് ബസുകൾക്ക് നികുതി കൂട്ടിയ തമിഴ്നാട് സർക്കാരിന്റെ നടപടിക്കെതിരെ ​ഗതാ​ഗതമന്ത്രി കെ ബി ​ഗണേഷ് കുമാർ. അവിടെ 4000 വാങ്ങിയാൽ ഇവിടെയും നാലായിരം വാങ്ങിക്കും. ഇങ്ങോട്ട് ദ്രോഹിച്ചാൽ തിരികെ അങ്ങോട്ടും ദ്രോഹിക്കും. കേരള സർക്കാരുമായി കൂടിയാലോചിക്കാതെ തമിഴ്നാട് 4000 രൂപ ടാക്സ് വർദ്ധിപ്പിച്ചു. ശബരിമല സീസണാണ് വരുന്നതെന്ന് തമിഴ്നാട് ഓർക്കണം. തമിഴ്നാട്ടിൽ നിന്നാണ് ഏറ്റവും കൂടുതൽ ആൾക്കാർ ശബരിമലയിലേക്ക് വരുന്നത്. മന്ത്രി പറഞ്ഞു.

സംസ്ഥാനത്തെ മഴ മുന്നറിയിപ്പില്‍ മാറ്റം. ഇന്നും നാളെയും സംസ്ഥാനത്ത് ശക്തമായ മഴ തുരുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇന്ന് മൂന്ന് ജില്ലകളില്‍ തീവ്ര മഴ കണക്കിലെടുത്ത് ഓറഞ്ച് അലര്‍ട്ട് പ്രഖ്യാപിച്ചു. വയനാട്, കണ്ണൂര്‍, കാസര്‍കോട് ജില്ലകളിലാണ് ഓറഞ്ച് അലര്‍ട്ട്. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, പാലക്കാട്, മലപ്പുറം, കോഴിക്കോട് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു.

തമിഴ്‌നാട്ടില്‍ പുതിയ വിമാനത്താവളം പ്രഖ്യാപിച്ച് മുഖ്യമന്ത്രി എംകെ സ്റ്റാലിന്‍. ഐടി ഹബ്ബായ ബംഗളുരുവില്‍ നിന്ന് നാല്‍പ്പത് കിലോമീറ്റര്‍ അകലെയുളള ഹൊസൂരിലാണ് നിര്‍ദിഷ്ട വിമാനത്താവളം. രണ്ടായിരം ഏക്കര്‍ വിസ്തൃതിയില്‍ വിമാനത്താവളം പണിയാനാണ് സര്‍ക്കാര്‍ ലക്ഷ്യമിടുന്നത്.