ഇന്നും പെരുമഴ തുടരും, ഹോര്‍മൂസ് ഭാഗികമായി തുറക്കുന്നു?, ഹസീനയുടെ വാര്‍ത്താസമ്മേളനത്തില്‍ ബംഗ്ലാദേശിന് അതൃപ്തി; ഇന്നത്തെ 5 പ്രധാന വാര്‍ത്തകള്‍

സംസ്ഥാനത്ത് ഇന്നും പെരുമഴ തുടരുമെന്ന് കാലാവസ്ഥ വകുപ്പിന്റെ മുന്നറിയിപ്പ്. ഹോർമൂസ് തുറക്കുന്നതു സംബന്ധിച്ച് ഇറാൻ- ഒമാൻ ചർച്ച അന്തിമഘട്ടത്തിൽ. ഷെയ്ഖ് ഹസീനയുടെ വാർത്താസമ്മേളനത്തിൽ ബം​ഗ്ലാദേശ് ഇന്ത്യയെ അതൃപ്തി അറിയിച്ചു. ഇന്നത്തെ 5 പ്രധാന വാർത്തകൾ ( Top 5 News Today) അറിയാം.

സംസ്ഥാനത്ത് ഇന്നും അതിശക്തമായ മഴയ്ക്ക് സാധ്യത. മഴ ശക്തമാകുന്ന സാഹചര്യത്തില്‍ ഏഴ് ജില്ലകളില്‍ കേന്ദ്ര കാലാവസ്ഥ വകുപ്പ് ഓറഞ്ച് അലര്‍ട്ട് പ്രഖ്യാപിച്ചു. കാസര്‍കോട്, കണ്ണൂര്‍, എറണാകുളം, ഇടുക്കി, കോട്ടയം, ആലപ്പുഴ, പത്തനംതിട്ട ജില്ലകളിലാണ് ഓറഞ്ച് അലര്‍ട്ട്. മറ്റ് ജില്ലകളില്‍ യെല്ലോ അലര്‍ട്ടും പ്രഖ്യാപിച്ചിട്ടുണ്ട്. മണിക്കൂറില്‍ 40 മുതല്‍ 50 കി.മീ വരെയുള്ള കാറ്റിനും സാധ്യതയുള്ളതിനാല്‍ ജാഗ്രത പാലിക്കണമെന്നും കാലാവസ്ഥാ വകുപ്പ് മുന്നറിയിപ്പ് നല്‍കി.

ഹോര്‍മൂസ് കടലിടുക്ക് ഭാഗികമായി തുറക്കുന്നു. ഇറാനും ഒമാനും കൈകാര്യം ചെയ്യുന്ന താല്‍ക്കാലിക പാത സംബന്ധിച്ച് ധാരണയിലെത്തിയെന്ന് ഇറാന്‍ സൂചിപ്പിച്ചു. ഒമാനുമായുള്ള ചര്‍ച്ച അന്തിമഘട്ടത്തിലാണെന്നും ഇറാന്‍ വ്യക്തമാക്കി. എന്നാല്‍ ഹോര്‍മൂസില്‍ ഇറാന് മേല്‍ക്കൈ അനുവദിക്കുന്ന ധാരണ അംഗീകരിക്കില്ലെന്ന് അമേരിക്ക അറിയിച്ചു.

മുന്‍ പ്രധാനമന്ത്രി ഷെയ്ഖ് ഹസീനയ്ക്ക് ഡല്‍ഹിയില്‍ വാര്‍ത്താസമ്മേളനത്തില്‍ സംസാരിക്കാന്‍ അനുമതി നല്‍കിയ ഇന്ത്യയുടെ നടപടിയെ ശക്തമായി അപലപിച്ച് ബംഗ്ലാദേശ്. സംഭവം ബംഗ്ലാദേശിന്റെ പരമാധികാരത്തിന്മേലുള്ള കടന്നുകയറ്റമാണെന്നും ഇരുരാജ്യങ്ങളും തമ്മിലുള്ള ഉഭയകക്ഷി ബന്ധം പുനഃസ്ഥാപിക്കാനുള്ള ശ്രമങ്ങളെ ഇത് ദോഷകരമായി ബാധിക്കുമെന്നും ബംഗ്ലാദേശ് മുന്നറിയിപ്പ് നല്‍കി.

വിദേശ സംഭാവന നിയന്ത്രണ (എഫ്‌സിആര്‍എ) ഭേദഗതി ബില്‍ പാര്‍ലമെന്റിന്റെ ഈ സമ്മേളനത്തില്‍ തന്നെ പാസ്സാക്കാന്‍ കേന്ദ്രസര്‍ക്കാര്‍ നീക്കം. ബില്‍ നാളെയോ മറ്റന്നാളോ പാര്‍ലമെന്റ് സമ്മേളനത്തില്‍ കൊണ്ടുവരാനാണ് നീക്കം. ചര്‍ച്ചയില്‍ കേന്ദ്ര ആഭ്യന്തര മന്ത്രി അമിത്ഷാ പങ്കെടുത്തേക്കും. പാര്‍ലമെന്റിന്റെ മണ്‍സൂണ്‍ സെഷന്‍ നീട്ടിയേക്കില്ലെന്നാണ് റിപ്പോര്‍ട്ടുകള്‍.

പ്രതീക്ഷിച്ചിരുന്ന ഒരു വാർത്ത ഇന്ന് ലഭിക്കാനി ടയുണ്ട്. ജോലിയിൽ പുതിയ ചുമതലകൾ ഏറ്റെ ടുക്കേണ്ട സാഹചര്യം ഉണ്ടാകും. യാത്രകളും കൂടിക്കാഴ്ചകളും ഗുണകരമാകും. സാമ്പത്തിക കാര്യങ്ങളിൽ സൂക്ഷ്മത പാലി ക്കുന്നത് നേട്ടമാകും. കുടുംബാംഗങ്ങ ളുമായി സന്തോഷകരമായ സമയം ചെലവഴിക്കാൻ സാധിക്കും. പുതിയ അവസരങ്ങൾ ലഭിക്കാം.